AMEA-nın akademik Ziya Bünyadov adına Şərqşünaslıq İnstitutunda İran tarixi və iqtisadiyyatı şöbəsinin müdiri dosent Vidadi Mustafayevin “Bir daha vahid/bütöv Azərbaycan ərazisi haqqında” kitabı çapdan çıxıb.

Fact-info.az  xəbər verir ki, kitabda İranda azərbaycanlılara qarşı aparılan irqi ayrı-seçkilikdən, azərbaycanlılarla türk xalqlarından biri olmasını, Azərbaycan toponiminin Şimali Azərbaycana şamil edilməsini inkar etmək siyasətindən bəhs edilir.

Müəllif panfarsistlərin Azərbaycan xalqına qarşı mübarizənin tərkib hissəsi kimi “Azərbaycan” toponiminə qarşı 3 istiqamətdə mübarizə apardıqlarını qeyd edir. Bu istiqamətlərin hər biri haqqında kitabda ayrıca bölmələrdə bəhs edilir. Bütün bunlarla yanaşı, müəllif İranda Azərbaycan toponiminə az sayda müəlliflər tərəfindən olsa da, obyektiv elmi yanaşmanın olduğunu bildirir və bu mövqedən yazılmış bir neçə məqalə haqqında bəhs edir.