Bizim ən böyük arzumuz, istəyimiz torpaqlarımızın işğaldan azad olunması idi. Bu gün çox qürur hissilə qələbəmizi, bu tarixi anları yaşayırıq. Sentyabrın 19-20-də aparılan lokal xarakterli antiterror tədbirləri nəticəsində Ermənistanın ərazilərimizdəki qeyri-qanuni hərbi mövcudluğuna son qoyulması ilə bölgədə sülh və təhlükəsizlik bərqərar edildi. Antiterror tədbirləri nəticəsində bizim hərbçilərimiz böyük qəhrəmanlıq, şücaət, peşəkarlıq göstərmişlər. Azərbaycanın suverenliyi tam bərpa olundu. 15 oktyabr tarixində Xankəndi şəhərinin mərkəzi meydanında Azərbaycan Bayrağı qaldırıldı. Xocalı, Xocavənd, Ağdərə şəhərlərində, Əsgəran qəsəbəsində üçrəngli bayrağımızın ucalması xalqımıza növbəti dəfə qürurlu anlar yaşatdı. Bu fikirləri Fact-info.az-a açıqlamasında “Yeni Yurd” Sosial  İnkişaf İctimai Birliyinin sədri Mahirə  Əsədova deyib.

QHT sədri daha sonra bildirib:  “ Məhz Prezident İlham Əliyevin böyük sərkərdəlik qabiliyyəti, dərin analitik, strateji təfəkkürü, istənilən situasiyada ən optimal qərar çıxarmaq keyfiyyətləri tarixi qələbəmizə gətirib çıxardı. Dövlət başçımızın bu siyasəti  II Qarabağ savaşında, habelə Azərbaycanın ərazi bütövlüyünün və suverenliyinin tam bərpası ilə yekunlaşmış sonrakı proseslərdə özünü parlaq şəkildə göstərdi.  Ulu Öndər Heydər Əliyev dövlətçiliyimizin əsasını qoydu, böyük strateji hədəflər müəyyən etdi. Prezident İlham Əliyev Azərbaycanı bu strateji hədəflərə çatdırdı. Bu gün Azərbaycan regionun lider dövləti olmaqla bərabər dünya gedən siyasi-iqtisadi proseslərə öz töhfəsini verir. Biz bütün bu prosesləri nəzərə alaraq və reallığı düzgün dəyərləndirərək Qarabağın fatehinə səs verəcəyik. Məsuliyyətli bir vətəndaş kimi, 7 fevral Prezident seçkilərində  hər kəsi iştirak etməyə və dövlətimizə növbəti illərdə başçılıq etmək üçün ən layiqli namizədə səs verməyə çağırıram. Birliyimizi, həmrəyliyimizi, gücümüzü dünyaya göstərmək üçün  bu seçkilər əvəzsiz imkandır. Bu, çağdaş dünyada yeni Azərbaycan üçün təsəvvür etdiyimizdən daha çox vacibdir”

Fact-info.az