Novruzov Şəhnin Şahlar oğlunun ailə üzvləri, anası İlahə xanımla Xəzər rayonu Zirə qəsəbəsində görüşüb söhbət etdik. Anasının qeyd etdiyi kimi, Şəhnin tarix oxumasa da, II Qarabağ müharibəsində Zəfərimizin qazanılmasında tarix yazıb.
Övladının uşaqlıq dövrünə toxunan İlahə xanım bildirdi ki, Şəhnin ibtidai sinfi bitirən kimi, biz Xəzər rayonu Zirə qəsəbəsinə köçmüşük. Mən müxtəlif istixanalarda çalışırdım, o, isə uşaq olmasına baxmayaraq, hər zaman mənə yardımçı olurdu. Sonra Şəhnin tikinti sahələrində ustanın yanında fəhlə kimi, illər keçdikcə usta kimi çalışıb. Bəzən elə olurdu ki, Şəhnin gedib Zirədəki daş karxanalarında çalışıb. İmkansızlıqdan Şəhnin yalnız ibtidai təhsil ala bildi.
Kədərini boğmağa çalışan Şəhidin anası İlahə xanım fikrini davam etdirir: “Şəhnin uşaqlıqdan zəhmətə, halallığa meylli olub. O, həm mənim dostum, sirdaşım, həm də övladım idi. Mən dəfələrlə Şəhnini evləndirmək istəmişəm. O, isə evin, qardaşlarının maddi vəziyyətinin yaxşılaşdırandan sonra evlənəcəyini vəd edirdi. Yaşadığı Zirə qəsəbəsində hamının inşaat ustası kimi tanıdığı Şəhnin elə yollandığı döyüş meydanında da hərb sənətinin ustasına çevrilib, düşmənə qarşı amansız mübarizə aparır. Növbəti döyüşlərin birində Şəhid olur”.
Xatırladırıq ki, Novruzov Şəhnin Şahlar oğlu 3 fevral 1998-ci ildə Astaranın Səncərədi kəndində anadan olub. 2004-cü ildə E. Ağayev adına məktəbdə təhsil almağa başlayıb. 2007-ci ildə təhsilini yarımçıq qoyaraq ailəsi ilə birlikdə Bakının Zirə qəsəbəsinə köçüb.
Şəhnin Novruzov 2016-2017-ci illərdə həqiqi hərbi xidmətdə olub. 2020-ci il sentyabrın 27-də könüllü olaraq hərbi xidmətə gedərək Azərbaycanla Ermənistan arasında başlanan II Qarabağ müharibəsi zamanı cəbhənin müxtəlif istiqamətlərində döyüşüb. 20 oktyabr 2020-ci ildə Xocavənd istiqamətində gedən döyüşlərdə Şəhid olub. Ölümündən sonra "Vətən uğrunda", "Cəbrayılın azad olunmasına görə" medalı ilə təltif edilib.
Gerçəkdən Şəhnin orta məktəbdə tarix oxumasa da, döyüş meydanında tarix yazıb. Allah bütün Şəhidlərimizə rəhmət eləsin.
Fact-info.az
Baxış sayı: 500
Media and Broadcasting Council urges media to cite official sources in reports on President
Two books on Yerevan’s history added to US Library of Congress catalogue
Farid Shafiyev: Azerbaijan proved that peace is achievable through direct talks with Armenia
Azerbaijan’s historical and cultural heritage presented to American students in Washington
Azerbaijan calls for international support in humanitarian demining efforts