Ölkəmizin Müqəddəs Taxt-Tacdakı səfiri İlqar Muxtarovun İtaliya mətbuatında Azərbaycan ilə Ermənistan arasındakı sülh prosesi, keçmiş məcburi köçkünlərin öz yurd-yuvalarına qayıdışı və Qarabağdakı mina probleminə dair məqaləsi dərc olunub.
“Agenzia Nova”, “Diplomatic Correspondent Blogspot”, “Agen SIR” kimi mətbu orqanlarında yayImlanan məqalədə İlqar Muxtarov Roma Katolik Kilsəsinin rəhbəri Papa Fransiskin yanvarın 8-də Azərbaycan ilə Ermənistanı sülh müqaviləsini imzalamağa çağırmasının çox yüksək qiymətləndirildiyini qeyd edib. Vurğulayıb ki, Roma Papasının Cənubi Qafqaz regionundakı vəziyyətə toxunması, sülh müqaviləsinin imzalamasının zəruriliyini qeyd etməsi, tərəfləri köçkünlərin öz evlərinə qanuni və təhlükəsiz şəkildə qayıtmasını təşviq etməyə, orada müxtəlif dini icmalara məxsus ibadət yerlərinə hörmətlə yanaşmağa səsləməsi və bu addımların çox arzulanan sülh baxımından iki ölkə arasında etimad mühitinin yaradılmasına kömək edəcəyini bildirməsi müsbət haldır.
Səfir xatırladıb ki, erməni tərəfinin işğalçılıq siyasəti nəticəsində Ermənistandan 250 min, həmçinin Qarabağdan olan təxminən 750 min məcburi köçkün otuz ildən artıq müddətdə öz yurd-yuvalarından uzaqda yaşamağa məcbur olub. Bu gün onların öz evlərinə təhlükəsiz şəkildə qayıtmasına ən böyük maneə isə otuz il ərzində işğalçılar tərəfindən bölgədə basdırılan piyada əleyhinə minalardır.
“Beynəlxalq ictimaiyyətin, eləcə də işğaldan azad edilmiş ərazilərimizin bərpasında bizə dəstək olanların köməyini yüksək qiymətləndiririk. Bu bizə xalqımız üçün yeni sülh və birgəyaşayış həyatı planlaşdırmağa imkan verir. Çoxmillətli və çoxkonfessiyalı ölkə olan Azərbaycan bütün dinlərin qorunmasına hörmət edib və onların irsinin qorunmasına hər zaman maksimum diqqət yetirib. Azərbaycanda təmsil olunan və qorunan bütün dinlərin irsinin qorunub saxlanmasında ölkəmizin öhdəliyi maksimumdur. Ümid edirik ki, Azərbaycan və Ermənistan arasında ən qısa zamanda sülh sazişi imzalana, iki ölkə arasında bütün kommunikasiya yolları açıla və qaçqınların geri qayıtmasına şərait yaradıla bilər”, - deyə diplomat qeyd edib.
Baxış sayı: 120
Presidents Ilham Aliyev and Serdar Berdimuhamedov viewed bullet-riddled busts of Azerbaijan’s prominent figures in Shusha
Environmental Protection First Coalition appeals to participants of COP17 summit to be held in Armenia
President: We will never forget what Armenian occupational forces have done to our people
Participants of Coordination Headquarters meeting view intensive horticulture farms in Khojaly district
Azerbaijan, Uzbekistan sign documents with participation of both countries’ PMs