“Prezident İlham Əliyevin atdığı hər addım dünyaya bir mesajdır. Yəni Azərbaycan müstəqil dövlətdir və heç kim onun işinə qarışa bilməz”.  Fact-info.az xəbər verir ki, bunu Milli Məclisin Regional məsələlər komitəsinin sədri Siyavuş Novruzov parlamentin dekabrın 22-də keçirilən plenar iclasında çıxışı zamanı deyib. Onun sözlərinə görə, dövlət başçısı artıq Xankəndidə atəş səsi üçün yox, futbol oyununun başlaması üçün komanda verir. Hansı ki, 30 ildən artıqdır xalqımız bunu gözləyirdi. Artıq həmin ərazilərdən top, atəş səsləri yox, traktor, kombayn səsləri gəlir və quruculuq işləri gedir. Bax budur Prezidentin xalq və dövlət üçün etdikləri.