Azərbaycan Respublikasının ərazi bütövlüyünün parçalanmasına yönələn atributları və ya simvolları nümayiş etdirmə və ya yayma ilə bağlı Cinayət Məcəlləsinə edilən dəyişiklik hər bir şəxsi məsuliyyətli olmağa sövq edəcək. Azərbaycanın ərazi bütövlüyü hər bir gənc üçün toxunulmaz olmalıdır.

Bu sözləri Fact-info.az-a Dərələyəz mahalı, Çivə kənd icmasının gənclərini nümayəndəsi Anar Namiq oğlu Məmmədov bu gün Parlamentdə Cinayət Məcəlləsinə edilən dəyişiklə bağlı məsləyə münasibət bildiriərkən deyib.

Qeyd edək ki, Parlamentin bu günki plenar iclasında I oxunuşda qəbul edilən qanun layihəsinə görə Azərbaycan Respublikasının ərazi bütövlüyünün parçalanmasına yönələn atributları və ya simvolları nümayiş etdirmə, yayma, hazırlama, əldə etmə, saxlama, daşıma və ya gəzdirməyə görə cinayət məsuliyyəti müəyyənləşdirilib.

Qeyd edək ki, dəyişikliyə əsasən Azərbaycan Respublikasının ərazi bütövlüyünün parçalanmasına yönələn atributları və ya simvolları nümayiş etdirmə və ya yayma, yaxud nümayiş etdirmək və ya yaymaq məqsədilə hazırlama, əldə etmə, saxlama, daşıma və ya gəzdirməyə görə 5 ilədək müddətə azadlığın məhdudlaşdırılması və ya eyni müddətə azadlıqdan məhrum etmə ilə cəzalandırılacaq.