Qazaxıstan Prezidenti Kasım-Jomart Tokayev Bakını Xəzər regionunun mirvarisi və dünyanın ən gözəl şəhərlərindən biri adlandırıb.
Fact-info.az Qazaxıstan liderinin mətbuat xidmətinə istinadən xəbər verir ki, o, bunu Bakıda Azərbaycan Prezidenti İlham Əliyevlə görüşündə deyib.
O, əlamətdar hadisə - ölkəmizin ərazi bütövlüyünün beynəlxalq hüquq normalarına və BMT Təhlükəsizlik Şurasının qətnamələrinə uyğun olaraq təmin edilməsi münasibətilə Prezident İlham Əliyevi və qardaş Azərbaycan xalqını təbrik edib: “Bu, sizin güclü rəhbərliyiniz, dövlətçiliyin möhkəmləndirilməsinə, xalqın rifah halının yaxşılaşdırılmasına, Bakının dünya birliyində nüfuzunun artırılmasına yönəlmiş uzaqgörən və müdrik siyasətiniz sayəsində mümkün olub. Hesab edirəm ki, bu, həqiqətən də tarixi hadisədir”.
Kasım-Jomart Tokayev qeyd edib ki, Qazaxıstanla Azərbaycan arasında münasibətlər yüksələn xətt üzrə inkişaf edir: “Yeni layihələr meydana gəlir. Biz təbii strateji tərəfdaşıq, Xəzər dənizinin sahil ölkələri olaraq qonşuyuq. Strateji münasibətlərin möhkəmləndirilməsi və müttəfiqlik əməkdaşlığının dərinləşdirilməsi haqqında Birgə Bəyannamənin qəbulu, eləcə də Ali Dövlətlərarası Şuranın yaradılması tarixi əhəmiyyət kəsb edib. Mən tamformatlı nümayəndə heyətini Bakıya gətirmək qərarına gəldim, çünki hesab edirəm ki, bugünkü görüş, əslində, Azərbaycanla tamformatlı danışıqlardır və iki ölkə arasında qarşılıqlı fəaliyyətin geniş spektri üzrə fikir mübadiləsi aparmaq üçün yaxşı fürsətdir”.
Baxış sayı: 85
Shusha hosts 9th edition of “Kharibulbul” International Music Festival
President Ilham Aliyev’s speech during meeting at first residential complex in Zangilan in world media spotlight
Organizing committee holds meeting regarding hosting of WUF13
Giorgia Meloni: I am confident that the friendly relations between Italy and Azerbaijan will develop even further from now on
Hikmet Hajiyev: Azerbaijan is seeking clarity regarding fate of thousands of individuals reported missing
