“Ermənilər Qərbi Azərbaycanla bağlı dəyişə bildiklərini dəyişiblər, edə bilmədiklərini isə yer üzündən siliblər. 

 Fact-info.az xəbər verir ki, bunu “Qərbi Azərbaycan toponimləri: tarixin təhrif olunmasından ədalətin bərpa edilməsinədək” mövzusunda ictimai dinləmədə Qərbi Azərbaycan İcmasının İdarə Heyətinin sədri, Milli Məclisin deputatı, filologiya üzrə fəlsəfə doktoru Əziz Ələkbərli bildirib.

“Rəcəb Paşa məscidini Fransızlar kilsəsinə çeviriblər. Həmçinin digər məscidlərimiz də dağıdılıb, Göy məsciddən başqa heç birinin izi-tozu yoxdur. Qərbi Azərbaycanla bağlı toponimlərin adlarının dəyşidirilməsi isə dövlət səviyyəsində aparılıb. Bəzi adların dəyişdirilməsi ilə bağlı rəsmi nümulərdə var. Mənim doğulduğum "Qaralar" kəndi "Aralas" ilə əvəzlənib. 

Ermənistan tərəfinin 2016, 2018-ci illərdə toponimizlərimizin dəyişdirilməsi ilə bağlı faktlarımız var. Bildirim ki, Ermənistan tərəfi indiki dövrdə toponimlərin dəyişdirməklə tarixi izləri silməyə çalışırlar.  Bildirim ki, biz tarixi torpaqlarımıza qayıdacağıq. Ermənistan tərəfindən də tələbimiz budur ki, həmin qayıdacaqlarımız ərazilərdə tarixi toponimlərimiz yenidən bərpa olunsun”, - o qeyd edib.