10-6-2025 14:15
FACT-INFO.AZ » SİYASƏT » Azərbaycan XİN Emmanuel Makrona cavab verib
6-10-2023, 16:00 | SİYASƏT
Azərbaycan XİN Emmanuel Makrona cavab verib

"Fransa Prezidenti Emmanuel Makronun oktyabrın 5-də Avropa Siyasi İcmasının Qranada görüşü çərçivəsində mətbuat konfransı zamanı Azərbaycana qarşı səsləndirdiyi əsassız iddiaları qətiyyətlə pisləyir və rədd edirik".

Fact-info.az xəbər verir ki, bu fikir Azərbaycan Xarici İşlər Nazirliyinin yaydığı bəyanatda yer alıb.

Fransa Prezidentinin Qranadada Azərbaycan və Türkiyənin iştirakdan imtina etməsi məsələsi ilə bağlı iddiaları riyakarlıq nümunəsidir. Tədbir iştirakçılarının hər birinə yaxşı məlumdur ki, məhz Fransa tərəfi Türkiyənin görüşə qatılmasına qarşı çıxıb. Fransa Prezidentinin bu məsələdə yalan məlumatlar yayması dövlət başçısına yaraşmayan yanaşmadır.

Tarixdə özünün soyqırım siyasəti ilə yadda qalan, Avropa İttifaqı üzv ölkələri arasında Milli Azlıqların Müdafiəsi haqqında Çərçivə Konvensiyasına qoşulmayan yeganə ölkə olan Fransanın çoxsaylı etnik xalqların sülh və əminamanlıq şəraitində yaşadığı, multikultural və multietnik dəyərləri ilə nümunə təşkil edən Azərbaycana azlıqların hüquqları barədə dərs keçməyə cəhd etməsi qəbuledilməzdir.

Ədalətli vasitəçilikdən danışan Fransanın 23 ilə yaxın dönəmdə necə vasitəçilik etdiyi hər kəsə məlumdur. Eynilə, azərbaycanlıların yaşadığı kütləvi qırğınlara, onlara qarşı zor tətbiq edilərək düşdükləri məcburi köçkün və qaçqın həyatına, eləcə də BMT Təhlükəsizlik Şurasının dörd qətnaməsinin gözardı edilməsinə, şəhər və kəndlərin yerlə-yeksan edilməsinə, Ermənistanın öhdəliklərinə zidd olaraq Azərbaycandan erməni silahlı qüvvələrini çıxarmamasına, davam etdikləri hərbi-siyasi təxribatlara heç bir əhəmiyyət verməyən Fransanın bitərəf və neytral vasitəçi olduğunu iddia etməsi bu ölkənin niyyətindən xəbər verir.

Azərbaycan ərazilərinin 30 il müddətində 20%-ə yaxın hissəsinin Ermənistan tərəfindən işğalına, hal-hazırda Ermənistanın Azərbaycanın 8 kəndini hələ də işğal altında saxlamasına göz yuman Fransanın Azərbaycanı 150 kvadrat kilometr Ermənistan ərazilərinin işğalında təqsirləndirməsi gülüncdür. Azərbaycan heç bir ölkənin ərazisini işğal etməyib və delimitasiya olunmamış sərhəddə Azərbaycanın qüvvələrinin yerləşdiyi ərazilərin Ermənistana məxsus olduğunun iddia edilməsi heç bir məntiqə sığmır.

Azərbaycan tərəfinin öz ərazilərini həm diplomatik, həm də hərbi yolla işğaldan azad etmək kimi BMT xartiyası və beynəlxalq hüququn norma və prinsipləri çərçivəsində legitim hüququ hər zaman mövcud olub. Məhz Fransa tərəfinin də cəlb olunduğu vasitəçilik səylərinin heç bir nəticə verməməsi, Ermənistanın işğalçılıq siyasətinin qarşısının alınmaması Azərbaycanı öz torpaqlarını hərbi yolla azad etməsinə gətirib çıxardı.

Eynilə antiterror tədbirlərinə qədər Azərbaycanın suveren ərazilərindən çıxarılmamış erməni silahlı qüvvələrinin və qondarma rejimin ləğv edilməsinin zəruri olduğu Azərbaycan tərəfindən bütün danışıqlar prosesində dəfələrlə vurğulanırdı. Bununla əlaqədar, Fransa Prezidentinin guya Azərbaycanın qeyri-qanuni separatçı rejimə qarşı güc tətbiq etməyəcəyi barədə söz verməsi iddialarının heç bir əsası yoxdur. Fransa Ermənistana yalan vədlər vermək əvəzinə, Ermənistana düzgün istiqamət versəydi Azərbaycana qarşı olan təhdidi güc yolu ilə həll etməyə ehtiyac olmazdı və məsələ sülh yolu ilə həll olunardı.

Azərbaycana təzyiq edilməsinə çağıran Fransa tərəfinə xatırlatmaq istərdik ki, Azərbaycanla təzyiq dilində danışmaq mənasız və qəbuledilməzdir. Belə məsuliyyətsiz bəyanatlar vermək əvəzinə, Fransanın bölgəmizdə təcavüzkar Ermənistanın dəstəklənməsi və silahlanmasına yönəlmiş, bölgədə sülh və sabitliyə mane olan məkrli siyasətinə son qoyması daha faydalı olardı.

Azərbaycan erməni sakinlərin Azərbaycanın Konstitusiyası və qanunvericiliyi çərçivəsində reinteqrasiyası üçün müvafiq tədbirlər həyata keçirir və ölkəmiz hər zaman olduğu kimi, Ermənistanla qarşılıqlı şəkildə suverenlik və ərazi bütövlüyünə hörmət əsasında bölgəmizdə sülh quruculuğunda ən maraqlı tərəfdir.




Baxış sayı: 160
Minalardan təmizlənən ərazilərin sahəsi açıqlandı Bu gün, 15:00 Ermənilərin kilsə siyasəti metastaz verib Bu gün, 12:30 “Milli-Mənəvi Dəyərlərimizin İzində” layihəsinə start verildi Bu gün, 12:00 Kiyevə kütləvi dron hücumu edilib Bu gün, 10:30 Paşinyan yeni katolikos seçkiləri ilə bağlı müraciət edib Bu gün, 10:30 Yuxusuzluq beyinə necə təsir edir? Bu gün, 10:30 Azərbaycan XİN Rusiya Prezidentinin köməkçisinin iddialarına münasibət bildirib Bu gün, 08:30 "II Qaregin subaylıq əhdini pozub, övladı da var" - Nikol Paşinyan Dünən, 12:30 Zelenski: Əksər müharibələr bu cür bitir Dünən, 11:30 Tədqiqat çərçivəsində 43 gənc iştirakçının beyin forması və sinir fəaliyyətləri təhlil edilib 8-06-2025, 12:00 Səfir Elin Süleymanov GB News kanalına müsahibəsində Ruben Vardanyanla bağlı iddialara cavab verib 8-06-2025, 10:30 Azərbaycan Prezidenti və Pakistanın Baş naziri arasında telefon danışığı olub 8-06-2025, 07:00 Gürcüstan, Türkiyə və Azərbaycan arasında əlaqələr daha da möhkəmlənir 6-06-2025, 21:00 Şamaxı və Xızıda yenidən zəlzələ olub 6-06-2025, 16:00 Paşinyan yenidən II Qaregindən izahat tələb edib - "Susmaq razılıq deməkdir" 6-06-2025, 14:30 Tarix və inancın qovuşduğu məkan 6-06-2025, 10:30 NATO ölkələrinin müdafiə nazirlərinin toplantısında Alyansın ən böyük silahlanma proqramı təsdiqlənib 6-06-2025, 09:30 Azərbaycanın vaxtilə işğal altında olan ərazilərində “parad” üçün silahların Ermənistandan gətirildiyi etiraf edilib 5-06-2025, 19:30 Azərbaycan və İran prezidentləri arasında telefon danışığı olub 5-06-2025, 19:30 Məhkəmədə Ermənistan tərəfindən Azərbaycanın ekologiyasına və iqtisadiyyatına qəsdən ziyan vurulması faktları üzrə sənədlərin tədqiqinə başlanılıb 5-06-2025, 19:00 Ukraynaya yardım 1,3 milyard avroya qədər artırılacaq 5-06-2025, 16:00 Dövlət abidələrinə vahid qaydalar əsasında pasport verilməsi qaydası 5-06-2025, 16:00 Prezident İlham Əliyev Azərbaycan xalqını Qurban bayramı münasibətilə təbrik edib 5-06-2025, 13:00 Tramp 12 ölkədən ABŞ-a səfərləri qadağan edən bəyannamə imzalayıb 5-06-2025, 10:00 Londonda Müstəqillik Gününə həsr olunmuş musiqili tədbir keçirilib 5-06-2025, 09:30 Strukturlaşdırılmış məşq bu, xəstəliyin qarşısını alır 5-06-2025, 09:30 Azərbaycanın “yaşıl gündəliyi” 4-06-2025, 17:00 Türkiyə müdafiə naziri: Suriya məsələsində İsrail ilə danışıqlar 4-06-2025, 16:00 Zəngəzur dəhlizinin müasir əhəmiyyəti 4-06-2025, 15:30 Britaniyalı ekspert: Dünya ölkələri bərpaolunan enerji mənbələrinə keçid məsələsində Azərbaycandan nümunə götürməlidir 4-06-2025, 11:30
Köşə yazarları
Təqvim
«    İyun 2025    »
BeÇaÇCaCŞB
 1
2345678
9101112131415
16171819202122
23242526272829
30