Ermənilərin  separatizm xəstəliyi artıq metastaz vermişdi.  Bəzi qara qüvvələrin dəstəyindən ruhlanan Xankəndində və ətraf qəsəbələrdə mövcud  olan qanunsuz erməni silahlı dəstələri regionda sabitliyə ciddi təhlükə idi. Bu barədə kifayət qədər yazılıb. 

Həmin silahlıların dinc yolla zərərsizləşdirilməsi,  bölgədə sabitliyin təmin edilməsi məqsədilə aparılan danışıqlar hər dəfə nəticəsiz qalırdı.  Belə olan halda  ermənilərin qanunsuz hərəkətlərinə, törətdiyi terror aktlarına nə qədər göz yummaq olardı?30 ildən artıq davam edən təcavüzün, regiona fəlakət gətirən  separatizmin qarşısını necə almaq olardı. Bu illər ərzində sülh göyərçinləri erməni təcavüzünə niyə son qoya bilmədilər?

Məhz bütün bu məqamları nəzərə alaraq BMT Nizamnaməsində və beynəlxalq hüquqda təsbit edilmiş bütün qanuni vasitələrlə ölkəmizin suverenliyinin və ərazi bütövlüyünün təmin edilməsi istiqamətində addımlar atılmalı idi. Bu gün həmin addımlar atılaraq  lokal xarakterli antiterror əməliyyatı başlanıldı.  Unutmamalıyıq ki, erməni silahlıları yalnız region üçün deyil, həmçinin Azərbaycan vətəndaşları olan dinc ermənilər özü üçün də ciddi təhlükə mənbəyidir.  Bir sözlə regionun gələcəyi, inkişafı separatizmin  kökünün birdəfəlik kəsilməsindən asılıdır.  Allah Ordumuzu qorusun!

Əkrəm Bəydəmirli