Daha doğrusu – hiddətləndirir. Nə qədər laqeyd olmaq gərəklidir ki, bu mükafatla Rasim Balayevin timsalında bütövlükdə xalqımızın teatr və kino sənətinə yüksək dəyər verildiyini anlamayasan. Anlamayasan ki, istənilən ölkədə birinci şəxsin rəsmi görüşləri ilə bağlı deyil, həm də adi vətəndaşlarla görüşləri ilə bağlı müəyyən protokol qaydaları var. 

Bu qaydalara riayət etmək – mütləqdir. Görkəmli aktyorumuzun ölkə başçısı ilə görüşə hansı məqsədlə dəvət olunduğu bəlli olduğu halda ona sənətdə mövcud problemləri səsləndirmədiyini irad tutmaq yersizdir. Əvvəla, hansı problemlərin nə zaman və nə cür həll edilməsini ölkə başçısı çox gözəl bilir və bunu öz çıxışlarında dəfələrlə qeyd edib. 

İkincisi, dövlət rəhbəri qarşısında mövcud problemlərin qabardılmasında ayrı-ayrı fərdlər yox, bu problemlərin aid olduğu sahəyə cavabdeh olan dövlət qurumları, qeyri-hökumət təşkilatları, ən azından xalqı təmsil edən millət vəkilləri daha fəal olmalıdırlar. 

Rasim Balayev böyük həyat təcrübəsi, dərin düşüncəsi olan azad fikir və kəsərli söz sahibidir. Azərbaycan mədəniyyətinin parlaq siması, xalqımızın dəyərli ziyalısıdır. Onu gözdən salmağa, nüfuzuna xələl gətirməyə çalışaninsanların yersiz iradlarına son qoyulmalıdır.

“Ahıllara və Tənhalara Dəstək” İctimai Birliyinin sədri

Ruhiyyə Məmmədova