Hətta təşkilatın Xankəndi ofisinin fəaliyyətinin Azərbaycan Respublikası ilə razılaşdırması sual doğuran məqam idi.  Azərbaycan ərazisinə, Xankəndinə mütəmadi olaraq gəlib-gedən BQXK-nın nümayəndələri aydın görünürdü Yerevan ofisindən təlimatlar alır. Bu məqamlara zamanında yetərincə diqqət göstərilməməsi BQXK-nın əsas humanitar missiyasından uzaqlaşmasına gətirib çıxarıb.

 BQXK-yə aid nəqliyyat  vasitələrində qanunsuz yük daşımaların müəyyən edilməsi Beynəlxalq Qırmızı Xaç Komitəsinin birbaşa nüfuzuna zərbədir. Bu qurumun rəhbər heyəti öz məsuliyyətini dərk edib ciddi qanun pozuntularının araşdırmasına başlamalıdır. Heç şübhəsiz ki, ermənilər bu təşkilata sızaraq öz məkrli fəaliyyətlərini həyata keçiriblər. Beynəlxalq təşkilatın rəhbərliyi bunun fərqində olmalı və qanunsuz fəaliyyətlə məşğul olan  əməkdaşlarını cəzalandırmalıdır.   

Nəhayət Azərbaycan Respublikası Dövlət Sərhəd Xidmətinin 

əməkdaşları yalnız BQXK-yə aid nəqliyyat vasitələrini deyil, həmçinin Laçın buraxılış məntəqəsindən keçən rus sülhməramlılarının da avtomobillərini diqqətlə yoxlanmalıdırlar. Bölgədə sabitlik yaratmaq, əhalinin təhlükəsizliyini təmin etmək üçün  bütün fəaliyyət beynəlxalq hüquqa və Azərbaycan qanunlarına istinad olunmalıdır. Əks təqdirdə sülhdən, sabitlikdən danışmağa dəyməz.

Əkrəm Bəydəmirli