“Gerçəkdən işğal faktı, erməni təcavüzü  insan sağlamlığında fəsadsız ötüşmür. Mən özüm həkim olaraq 44 günlük müharibədə iştirak edərək xeyli sayda yaralanmış əsgərlərimizi əməliyyat etmişəm. Onların normal həyata qayıdışına dəstək olmuşam. Təbii ki, istər erməni işğalı  zamanı, istərsə də müharibə dövründə, hərbçilərimizin, məcburi köçkünlərimizin sağlamlıqlarında fəsadlar yaranmışdı. Xüsusilə, psixoloji  problemlərdən yan keçmək olmurdu”.

Daha sonra Anar Yusibov qeyd edib:  “30 illik erməni təcavüzü zamanın bəzi soydaşlarımız  erməni əsirliyində qalaraq çox fəlakətli anlar yaşayıblar, iztirablar görüblər. Məkrli düşmən həmin əsirlikdə qalan zaman azərbaycanlarla necə davranıb,  onlara qarşı hansı dərman preparatlarından istifadə edib? Bunu bilmirik.  Mənim qənaətimcə, istər erməni işğalından əziyyət çəkən, istərsı də düşmən ölkənin zindanlarında ağır məşəqqətlər yaşayan  Azərbaycan vətəndaşlarının sağlamlıq məsələsi diqqətlə yoxlanılmalı, genetik tədqiqatlar aparılmalıdır. Aparılmış tibbi tədqiqatların nəticələrinə uyğun olaraq müalicə prosedurları müəyyən edilməlidir. Ümumiyyətlə, tibbi təfəkkürü dərinləşdirmək üçün bu sahədə çox geniş maarifçilikişləri aparılmalıdır. Biz də həkim olaraq hər zaman  bu proseslərdə öz töhfəmizi verməyə hazırıq”.

Fact-info.az