Bu barədə Fact-info.az-a Azərbaycan Müdafiə Nazirliyindən məlumat verilib.
Bildirilib ki, N hərbi hissəsinin şəxsi heyətinin, Tərtər rayon İcra Hakimiyyətinin, YAP rayon təşkilatının, Uşaq-Gənclər İdman-Şahmat Məktəbinin əməkdaşlarının, eləcə də ictimaiyyət nümayəndələrinin iştirakı ilə şahmat yarışı keçirilib.
Əvvəlcə Ümummilli Lider Heydər Əliyevin Tərtər rayonu ərazisindəki Mərkəzi meydanda ucaldılmış abidəsi önünə gül dəstələri düzülərək Ulu Öndərin xatirəsi ehtiramla anılıb. Sonra tədbir Uşaq-Gənclər İdman-Şahmat Məktəbində davam etdirilib.
Tədbir başlamazdan öncə Ümummilli Liderin və torpaqlarımızın azadlığı uğrunda canlarından keçmiş şəhidlərin xatirəsi bir dəqiqəlik sükutla yad ediblər.
Çıxış edənlər Azərbaycanın dövlətçilik tarixinin mühüm mərhələsinin dünyaşöhrətli siyasətçi, böyük dövlət xadimi Heydər Əliyevin adı ilə bağlı olduğunu, Ulu Öndərin öz mənalı və zəngin ömrünü bütövlükdə millətinə, xalqına, Vətəninə və dövlətinə həsr etdiyini qeyd ediblər. Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin müvafiq Sərəncamı ilə 2023-cü ilin ölkəmizdə “Heydər Əliyev İli” elan olunmasının Ulu Öndərə böyük ehtiramın göstəricisi olduğu xüsusi vurğulanıb.
Gərgin mübarizə şəraitində keçən yarışda ümumilikdə 55 nəfər şahmat həvəskarı iştirak edib.
Qalib gələn şahmatçılar fəxri fərmanlarla təltif olunublar.
Baxış sayı: 217
From Shavkat Mirziyoyev, President of the Republic of Uzbekistan
Azerbaijan’s cultural heritage showcased at festival in South Korea
Media and Broadcasting Council urges media to cite official sources in reports on President
Two books on Yerevan’s history added to US Library of Congress catalogue
Farid Shafiyev: Azerbaijan proved that peace is achievable through direct talks with Armenia