2021-06-08 09:35:01 | MƏDƏNİYYƏT
Dahi Azərbaycan şairinin əsərləri Ukraynada çap olunub

Dahi Azərbaycan şairi Nizami Gəncəvinin 880 illiyi münasibətilə dünya poeziyasının korifeyinin “Leyli və Məcnun” poeması Ukraynada nəşr edilib.

Poema Ukrayna dilinə görkəmli şair və tərcüməçi Leonid Pervomayski tərəfindən tərcümə edilib. Azərbaycan Dövlət Tərcümə Mərkəzinin layihəsi olan bu nəşr Ukraynadakı “Yaroslavov Val” nəşriyyatında çapdan çıxıb. Layihənin məsul katibi Marina Qonçaruk, nəşrin redaktoru Taras Şevçenko adına Ukrayna Milli Mükafatı laureatı, yazıçı Qriqori Hüseynovdur.

Layihənin məsul katibi Marina Qonçaruk deyib: “Bu nəşr cari ildə Ukraynada Nizamiyə həsr edilmiş ilk ədəbi layihədir. Ukraynada bu nəşri çoxdan gözləyirdilər, çünki indiyə qədər Nizaminin bu poeması ayrıca nəşr kimi yalnız bir dəfə - 1947-ci ildə buraxılıb. Onu da qeyd etmək istəyirəm ki, bu nəşr Nizaminin Ukrayna dilinə tam həcmdə tərcümə edilmiş yeganə poemasıdır. Kitaba ön söz görkəmli ukraynalı şərqşünas alim Aqatengel Krımskinin Nizami haqqında fundamental tədqiqatı olan “Nizami və müasirləri” əsərindən götürülüb. Yeni kitab Ukrayna ədəbi ictimaiyyətinin böyük marağına səbəb olub. Bu əlamətdar layihə dahi Nizami Gəncəvinin yaradıcı irsinin Ukraynada populyarlaşmasına, Ukrayna-Azərbaycan ədəbi əlaqələrinin inkişafına xidmət edəcək”.

Kitabın redaktoru, Taras Şevçenko adına Ukrayna Milli Mükafatı laureatı, yazıçı Qriqori Hüseynov deyib: “Leyli və Məcnun” poeması Azərbaycan xalqının dəyərli ədəbi irsidir və çox əlamətdar haldır ki, Nizami Gəncəvinin yubileyi ilində onun dahiyanə əsəri ukraynalıların ana dilində səslənəcək. Azərbaycan Dövlət Tərcümə Mərkəzi müasir və klassik Azərbaycan ədəbiyyatının ən yaxşı nümunələrini müntəzəm surətdə ukraynalı oxuculara təqdim etməklə çox vacib və yüksək bir missiyanı – ölkələrimiz arasında ədəbi əlaqələrin inkişafı missiyasını həyata keçirir. Nizami Gəncəvinin poemasının nəşr edilməsi bu böyük şair və mütəfəkkirin ədəbi irsinin ukraynalı alim və şərqşünaslar tərəfindən öyrənilməsinə yeni təkan verəcək”.

Kitabın Kiyevdə təqdimat mərasiminin keçirilməsi gözlənilir. Bu nəşr Ukrayna kitabxanalarına və universitetlərə veriləcək, geniş oxucu auditoriyasına təqdim olunacaq.

Baxış sayı : 150
Zəngilanın Sarılı Xəştab kəndi - VİDEO 2021-06-21 08:50:01 Azərbaycanlı şərqşünasın Zəngəzur dəhlizi haqqında məqaləsi ərəb KİV-lərində dərc olunub 2021-06-21 08:20:08 Ermənistanda seçki pozuntuları barədə prokurorluqdan açıqlama 2021-06-21 07:55:47 İsraildə Ermənistanın müharibə cinayətləri əleyhinə aksiya keçirilib 2021-06-21 07:55:07 Ermənistan düşmənçilik münasibətlərindən əl çəkməli və qonşularla yaxşı münasibət qurmağa başlamalıdır - Türkiyə XİN 2021-06-21 06:50:29 Azad edilmiş ərazilərdə aeroportların tikintisi üçün idxal olunan bəzi mallar gömrük rüsumundan azad edilib 2021-06-20 10:40:35 Şuşa Bəyannaməsi Azərbaycan və türk diasporlarının birgə fəaliyyəti üçün ciddi hüquqi əsaslar yaradıb - Fuad Muradov 2021-06-20 08:50:44 Yeni Zəngəzur Dəhlizi regional inkişaf fürsətlərini ortaya çıxaracaq 2021-06-20 07:45:17 Milli Qəhrəmanımızın məzarı ziyarət olundu 2021-06-19 20:45:51 Azərbaycan Prezidentinin köməkçisi Antalya Diplomatiya Forumu çərçivəsində keçirilən paneldə çıxış edib 2021-06-19 11:25:19 Gürcü ekspert: Türkiyə Prezidentinin Şuşaya səfəri regionda yaranmış yeni reallıqların göstəricisidir 2021-06-19 08:10:32 Leyla Abdullayeva beynəlxalq insan hüquqları təşkilatlarına çağırış edib 2021-06-19 07:30:24 Ermənistanın təcavüzü nəticəsində dəymiş ziyanın aradan qaldırılması məsələləri müzakirə edilib 2021-06-18 21:25:41 Azərbaycan-Rusiya xalqlarının dostluq əlaqələri möhkəmlənir 2021-06-18 21:10:30 Nüvədi kəndinin sakinləri dünya birliyinə müraciət ediblər 2021-06-18 14:15:57 “Səhnədən səngərə” layihəsi şəhid Zamin Rəhimov haqqındadır 2021-06-18 09:40:52 Ukraynalı hərbi jurnalist: Mülki şəxslərin mina partlayışı nəticəsində həlak olmasının məsuliyyəti Ermənistan üzərinə düşür 2021-06-18 09:35:17 Siyasi ekspert: Şuşa Bəyannaməsi Robert Köçəryanın təxribatçı çıxışlarına öldürücü zərbədir 2021-06-18 08:55:15 Ermənistanın mina xəritələrini verməsi üçün beynəlxalq ictimaiyyətə çağırış edilib 2021-06-18 07:40:22 Ermənistan çətin durumda: Yeni reallıqlar beynəlxalq güclər tərəfindən qəbul edilir 2021-06-18 07:35:18 Ana dilimizin tədqiqinə töhfə 2021-06-17 18:15:50 Regionda təhlükəsizliyi təmin etmək üçün yeni güc platformasının yaranması zəruri idi- Əkrəm Bəydəmirli 2021-06-17 10:15:40 Heydər Əliyev Fondu “Qarabağın mədəni irsi” nəşrini təqdim edib 2021-06-17 10:00:49 “Cənubi Qafqazda uzunmüddətli sülh istiqamətində işləməkdə qətiyyətliyik” 2021-06-17 09:15:42