Dünya Azərbaycanlılarının Həmrəylik Günündə bir araya gəlməyimiz həqiqətən də həmrəyliyimizin göstəricisidir. Müxtəlif şəhərlərdə yaşasaq da, bu əlamətdar gündə bir yerə toplaşmağa qərar verdik. İcmamızın Nantdakı üzvləri də bu gün bizimlə idilər.
Bu fikirləri Dünya Azərbaycanlılarının Həmrəylik Günü münasibətilə Parisdə təşkil olunmuş tədbirdə Azərbaycan-Fransa Mədəniyyət Assosiasiyasının sədri və “Qarabağ” Azərbaycan məktəbinin layihə rəhbəri Toğrul Zeynalov AZƏRTAC-a müsahibəsində söyləyib.
2019-cu il Azərbaycan diasporu üçün çox uğurlu olduğunu bildirən T.Zeynalov deyib: “Bu il diasporumuz yenidən təşkilatlandı, təməlimiz daha da möhkəmləndirildi və koordinasiya şuraları yaradıldı. Həmçinin Azərbaycan məktəbləri açıldı, uğurlu layihələr reallaşdırıldı.
Ancaq ən böyük uğurumuz Fransanın bir sıra yerli hakimiyyət orqanları ilə Azərbaycanın işğal olunmuş Dağlıq Qarabağ bölgəsinin separatçı nümayəndələri ilə əməkdaşlıq haqqında qeyri-qanuni xartiyaların bu ölkənin məhkəmələri tərəfindən ləğv edilməsinə nail olmağımızdır”.
Ölkəmizdə aparılan islahatlara toxunan T.Zeynalov onların xaricdə yaşayan soydaşlarımıza da stimul verdiyini bildirib. O deyib: “Biz bu islahatlardan ruhlanaraq fəaliyyətimizi daha yaxşı qurmağa çalışır və yeni layihələr hazırlayırıq. 2020-ci ildə diasporumuzun birgə fəaliyyəti sayəsində daha çox uğurlara imza atacağıq”.
Baxış sayı: 923
Latvian ambassador congratulates Azerbaijan on successful completion of COP29
President Ilham Aliyev: Azerbaijan has created favorable conditions for lasting peace in the South Caucasus
“Missing Families of Karabakh” Public Union welcomes adoption of “Missing Persons” resolution by UN General Assembl
COP29 features panel discussion on “COP to COP Agrifood Legacies: A Key to Achieving Global Climate Goals”
Foreign Ministry comments on Fifth Opinion of Advisory Committee on Implementation of Council of Europe Framework Convention for Protection of National Minorities by Azerbaijan