Mədəniyyət Nazirliyinin təşkilatçılığı ilə keçirilən XI Bakı Beynəlxalq Kitab Sərgisinə yekun vurulub. Fact-info.azxəbər verir ki, builki tədbir “Texno-insan: dünənin əfsanəsi, bu günün hadisəsi” mövzulu şüarı altında keçirilib.
Tədbirdə 18 ölkədən 41 beynəlxalq təşkilat, o cümlədən kitab nəşri ilə bağlı 100-dən çox yerli nəşriyyat-poliqrafiya şirkəti və qurumu iştirak edib.
Yeddi gün ərzində sərgidə müxtəlif formatlarda 250-dən çox tədbir keçirilib.
Uşaqlar və böyüklər üçün ustad dərsləri, inklüziv və digər aktual mövzularda kitab təqdimatları, avtoqraf günləri, konfranslar, simpoziumlar, müsabiqələr, qiraət və musiqi saatları, eləcə də kitab sənayesinin nümayəndələri arasında əməkdaşlıq platformaları təşkil olunub.
Sərgiyə gələnlər kitab bazarındakı ən son nəşrlərlə tanış olmaq, müəlliflər və naşirlərlə ünsiyyət qurmaq, həmçinin sənaye peşəkarları arasında canlı fikir mübadiləsinin şahidi olmaq imkanı əldə ediblər.
Sərgi iştirakçıları arasında Azərbaycanın Xalq yazıçıları və şairləri, tanınmış gənc müəlliflər, eləcə də Türkiyə, Argentina, Böyük Britaniya, Litva, Qətər və digər ölkələrdən xarici yazıçılar iştirak edib.
Tədbir çərçivəsində mükafatlandırma mərasimi keçirilib, ən fəal iştirakçılara və təşkilatlara diplomlar təqdim olunub. “Ən yaradıcı stend” nominasiyasında “Mayak” nəşriyyatı, “Ən çox oxunan yazıçı” nominasiyasında Çingiz Abdullayev, “Fəxri yazıçı” nominasiyasında Rüstəm Behrudi mükafatlara layiq görülüb.
Baxış sayı: 90
Romania’s Veridica publication highlights geopolitical shift in South Caucasus
President orders celebration of Azerbaijani poet Khagani Shirvani’s 900th anniversary
Jason Epstein: Successful implementation of the TRIPP project could bring significant benefits to both Armenia and Azerbaijan
TURKPA Secretary General meets with President of International Parliamentarians’ Congress
Azerbaijan’s Media Development Agency urges Meta to remove deepfake content attributed to Azerbaijani President
