FACT-INFO.AZ » AKTUAL » “Qəhrəmanlıq tariximiz nəsillərə örnəkdir” kitabının təqdimatı keçirildi
Çap et A+ A- R
18-08-2025, 11:30 | AKTUAL
“Qəhrəmanlıq tariximiz nəsillərə örnəkdir” kitabının təqdimatı keçirildi
Şəhidlərimizə həsr olunan “Qəhrəmanlıq tariximiz nəsillərə örnəkdir” kitabı Azərbaycan Respublikasının QHT-lərə Dövlət Dəstəyi Agentliyinin vəsaiti ilə Sosial Rifah və Tədqiqatlar İctimai Birliyinin layihəsi çərçivəsində nəşr olunub.
Tədqiqatçı jurnalist, QHT sədri Əkrəm Bəydəmirlinin müəllifliyi ilə çap olunmuş kitab Xəzər rayonunda doğulmuş və yaxud bu bölgədə müvəqqəti yaşamış 40 şəhidimizin həyat hekayətini əhatə edib. Əsas missiya qəhrəmanlarımızı bədii-fəlsəfi yanaşma ilə geniş auditoriyaya tanıtmaqdır.
Təqdimat avqustun 16-da saat 14:00-da Xəzər Gənclər Evində baş tutub. Tədbiri şair, publisist, əfsanəvi döyüşçü, şəhid Şahgündüz Cabbarovun atası Kamil Vəfadar (Habil Cabbarov) açaraq kitabın önəmindən danışdı.
Daha sonra bir dəqiqəlik sükutla şəhidlərimizin xatirəsi anıldı.Təqdimatda şəhid ailələri, Xəzər rayon icra hakimiyyətinin nümayəndəsi Məmməd Əliyev, dövlət rəsmiləri, vətəndaş cəmiyyətinin nümayəndələri və digər şəxslər iştirak edirdilər.
Kitabın mövzu ilə bağlı qısa video kadr nümayiş olundu.
Daha sonra tədbirin aparıcısı qonaqlara söz verdi. Professor Təvəkkül Səlimov, Xəzər rayon icra hakimiyyətinin nümayəndəsi Məmməd Əliyev, bir sıra kitabların müəllifi, BDU-nun müəllimi Nazim Vəlişov, sair, publisist Fəxrəddin Meydanlı, şəhid mayor Asiman Əliyevin bacısı İmmi Əliyeva, şəhid kapitan Elçin Mansurovun anası Məleykə xanım, "Zirvə" Mədəniyyət və İncəsənət İctimai Birliyinin sədri, tanınmış yazar Şahin Qədirov, QHT təmsiçisi Arzu Əliyeva, şairə Svetlana Zeynalova və digər şəxslər çıxış edərək kitabla bağlı fikirlərini bildirdilər.
Daha sonra şəhid övladları şeirlər səsləndirdilər. Şəhid Nahid Ağalarovun 6 yaşlı övladı Zəhra qızımız atasına həsr olunmuş mahnını ifa etdi. Bu ifa auditoriya tərəfindən coşquyla qarşılandı.
Tədbirin sonunda kitabın müəllifi, layihə rəhbəri Əkrəm Bəydəmirli çıxış edərək bütün qonaqlara, dəstək göstərən hər kəsə, xüsusilə, Azərbaycan Respublikasının QHT-lərə Dövlət Dəstəyi Agentliyinə təşəkkürünü çatdırdı. Layihə rəhbəri onu da əlavə etdi: “II Qarabağ müharibəsində qazilərimizin, şəhidlərimizin şücaəti hesabına qazanılmış tarixi qələbə yüksək mənəviyyatın qazancı oldu. Qaliblərin xatirəsini əbədiləşdirmək, şəhidlərimizin həyat hekayətini yazmaq şükürdür. QHT-media təmsilçisi olaraq 1 ilə yaxın müddətdə 40 şəhidin döyüş və həyat yoluna nəzər salaraq “Qəhrəmanlıq tariximiz nəsillərə örnəkdir” adlı kitabı yazıb ərsəyə gətirmək qürurvericidir”.
Xatırladırıq ki, “Qəhrəmanlıq tariximiz nəsillərə örnəkdir” kitabı Azərbaycan Milli Elmlər Akademiyası rəyi ilə nəşr olunub. Tədbir xatirə fotosu çəkdirməklə yekunlaşdı.


Paylaş

Baxış sayı: 670
Prezident İlham Əliyev və Ukrayna Prezidenti Volodimir Zelenski arasında telefon danışığı olub Dünən, 21:00 "Azərbaycan muğamı" layihəsi çərçivəsində növbəti konsert Dünən, 19:30 Bilik yarışında Qarabağ regionu üzrə yeddi rayon və şəhərdən olan komandalar mübarizə aparıb Dünən, 19:00 Əlahiddə Ümumqoşun Orduda hazırlıq kursunu bitirənlərə sertifikatlar təqdim olunub Dünən, 14:00 "Yüksəliş"in altıncı mövsümünün ümumi biliklər imtahanı üzrə nəticələri açıqlanıb Dünən, 13:30 Orta Dəhliz biznesin inkişafı və xaricdə tərəfdaşlar tapmağa böyük imkanlar yaradır Dünən, 11:30 “Azərbaycan Mədəniyyəti – 2040”: İncəsənətin inkişafı ilə bağlı dövlət proqramı hazırlanır Dünən, 10:00 Birinci Qarabağ müharibəsi şəhidi Ziya Ağayevin xatirəsi anılıb Dünən, 09:30 Kaya Kallas Bakıya gəlib: "Azərbaycan Avropa İttifaqı üçün dəyərli tərəfdaşıdır" Dünən, 08:00 MEDİA onlayn media subyektlərinə dəstək üçün müsabiqə elan edib Dünən, 08:00 Minatəmizləmə zamanı həlak olanların övladlarının təhsil haqqı dövlət büdcəsindən ödəniləcək 5-05-2026, 19:30 Prezident 19-cu “Caspian Agro Week” və 31-ci “InterFood Azerbaijan” sərgiləri ilə tanış olub 5-05-2026, 19:00 Hulusi Kılıç: Avropa Parlamentinin Azərbaycanın işlərinə müdaxilə cəhdləri iflasa məhkumdur 5-05-2026, 18:00 “Qloballaşan rəqəmsal mühitdə Azərbaycan dilinin qorunması” mövzusunda seminar keçirilib 5-05-2026, 11:00 ŞUŞA – YARALI YADDAŞDAN ZƏFƏR SALNAMƏSİNƏ 5-05-2026, 10:00 Dünya mediası Azərbaycan Prezidentinin “Avropa Siyasi Birliyi”nin Zirvə toplantısındakı çıxışından yazır 5-05-2026, 09:30 Əczaçılıq sahəsində istehsal artacaq 5-05-2026, 08:30 Türkiyə Prezidenti Rəcəb Tayyib Ərdoğan Avropa İttifaqı institutlarını “strateji uzaqgörməzlikdə” ittiham edib 5-05-2026, 08:00 “İlmələrdə yaşayan tariximiz” 5-05-2026, 08:00 Dilçi alim Tofiq Hacıyevin 90 illik yubileyi 5-05-2026, 07:30 Ciorcia Meloni: Əminəm ki, İtaliya ilə Azərbaycan arasındakı dostluq əlaqələri bundan sonra daha da inkişaf edəcək 4-05-2026, 20:30 Prezident İlham Əliyev: Azərbaycan və İtaliya strateji tərəfdaşlardır 4-05-2026, 20:00 Giorgia Meloni: I am confident that the friendly relations between Italy and Azerbaijan will develop even further from now on 4-05-2026, 18:30 Двойные стандарты Европарламента и ПАСЕ в отношении Азербайджана 4-05-2026, 18:30 Prezident İlham Əliyev “Avropa Siyasi Birliyi”nin 8-ci Zirvə toplantısında videobağlantı formatında çıxış edib 4-05-2026, 16:00 Dövlət strategiyasında idman prioritet sahə kimi müəyyən edilib 4-05-2026, 14:00 Bəyanat: Avropa Parlamentinin qərəzli qətnaməsi Azərbaycanın suverenliyinə və Cənubi Qafqazda sülh prosesinə qarşı siyasi təxribatdır 4-05-2026, 11:30 Azərbaycanda tatar şairinin 140 illiyi qeyd olunub 4-05-2026, 11:30 Şəhid Anar Məmmədovun xatirəsi anılıb 4-05-2026, 11:30 Müharibə cinayətləri törətmiş şəxsləri azad etmək çağırışları hüquq sisteminə təhdiddir 4-05-2026, 11:00
Köşə yazarları
Təqvim
«    May 2026    »
BeÇaÇCaCŞB
 123
45678910
11121314151617
18192021222324
25262728293031
Fakt Azərbaycan TV
fact-info.az