Əsas auditoriyası diplomatlar, siyasətçilər, eləcə də İsveçdə akkreditə olunmuş diplomatik korpusun üzvləri olan “Diplomatic World Sweden” saytı noyabrda Bakıda keçirilən iqlim sammitinə məqalə həsr edib.
Fact-info.az xəbər verir ki, “Bakıda keçirilən tarixi COP29 iqlim konfransından sonra dünya nəhayət bir ümid şüası tapır” sərlövhəli məqalənin müəllifi qeyd edir ki, forum iqlim dəyişikliyi ilə qlobal mübarizədə tarixi hadisəyə çevrilib. Konfrans iştirakçıları 2035-ci ilə qədər inkişaf etməkdə olan ölkələrə yardım üçün hər il 1,3 trilyon dollar toplamaq məqsədi daşıyan iddialı Bakı Maliyyə Məqsədini qəbul etdilər. Bu qərar beynəlxalq ictimaiyyətin ən həssas ölkələri dəstəkləməkdə prioritet olduğunu vurğulayır.
Konfransın mühüm diplomatik danışıqlar platformasına çevrildiyi bildirilir. Nəticədə sənayeləşmiş ölkələr hər il 300 milyard dollar ayırmağı öhdələrinə götürdülər ki, bu da əvvəlki planlardan 50 milyard dollar çoxdur. Danışıqlara töhfə verən investorların və özəl sektorun rolu vurğulanır.
Məqalədə yüksək şəffaflıq səviyyəsinə malik karbon bazarlarının yaradılmasına yol açan Paris Sazişinin 6-cı maddəsinin müzakirəsindəki irəliləyişə xüsusi diqqət yetirilir. Bu bazarların 2050-ci ilə qədər hər il 1 trilyon dollara qədər gəlir əldə edəcəyi və eyni zamanda milli iqlim strategiyalarının xərclərini azaldacağı gözlənilir.
Nəşr qeyd edir ki, konfrans bir sıra əsas təşəbbüslərin platformasına çevrilib. Enerjinin saxlanması, elektrik şəbəkələrinin modernləşdirilməsi və hidrogen texnologiyalarının inkişafı sahələrində razılaşmalar əldə edilib. Bu addımlar bərpaolunan enerjiyə keçidi sürətləndirməyə və qazıntı yanacaqdan asılılığı azaltmağa kömək edəcək.
Məqalədə konfransın maliyyə uğuru - 7,3 milyard dollar toplandığı vurğulanır. Həmçinin İtki və Zərər Fondunun isə ən həssas ölkələrə kömək etmək üçün 730 milyon dollardan çox vəsait aldığı qeyd edilib.
Sonda deyilir ki, COP29 innovativ yanaşmalar, maliyyə ambisiyaları və beynəlxalq əməkdaşlığın qlobal çağırışların öhdəsindən necə gələ biləcəyini nümayiş etdirdi. Bakı iqlim dəyişmələri ilə mübarizədə dünya ictimaiyyətinin birliyinin simvoluna çevrilib
Baxış sayı: 90
President: Cooperation in the energy sector between Azerbaijan and Georgia is of special importance for a broader geography
SOFAZ hosts event commemorating 35th anniversary of January 20 tragedy
Western Azerbaijan Community condemns German public radio's racial discrimination against Azerbaijan
Serbian President Aleksandar Vučić: I am proud of our friendship with Azerbaijan and President Ilham Aliyev
Western Azerbaijan Community calls on Armenian Prime Minister to engage in dialogue