“1918-ci il hadisələri: dünyasını dəyişən şahidlər, unudulmayan tarix” kitabında müəllif 1918-ci ildə azər-baycanlılara qarşı törədilən  soyqırımla bağlı yazılı mənbələrlə yanaşı sözügedən dövr haqqında məlumatı olan, həmin faciəni araşdıran insanlarla, canlı şahidlərlə müsahibələrə də üstünlük verib. Məlum olduğu kimi 1918-ci il soyqırım hadisəsini görən insanların böyük əksəriyyəti bu gün dünyasını dəyişib. Onların çox az bir hissəsi indi həyatdadır. Tarixi faktların aşkarlanması baxımından şahidlərin müəyyən olunması, xatirələrinin toplanması və onun nəşr olunması müsbət haldır.