Fact-info.az-ın  məlumatına görə. bu sözləri AZƏRTAC-a müsahibəsində Türkiyə Böyük Millət Məclisinin xarici əlaqələr komitəsinin sədri Akif Çağatay Kılıç söyləyib.

Komitə sədri eyni zamanda, fevralın 6-da Türkiyədə baş vermiş dağıdıcı zəlzələnin nəticələrinin aradan qaldırılmasında və zəlzələdən əziyyət çəkən insanlara yardım göstərilməsindəki fədakarlığa görə, Azərbaycanın və Gürcüstanın dövlət və hökumət rəhbərlərinə minnətdarlıq edib. Bildirib ki, Azərbaycan və Gürcüstan Türkiyədə baş vermiş son 100 ilin ən güclü fəlakətini öz dərdləri kimi hiss edərək qardaş köməyini əsirgəmədilər. Bu, eyni zamanda, bizim üçtərəfli əməkdaşlığımızın, dostluğumuzun və qadaşlığımızın nümunəsidir.

Türkiyəli komitə sədri deyib ki, Tbilisidə keçirilən 8-ci görüşdə üç ölkə arasındakı iş birliyinin və gələcək planların koordinasiyası müəyyən olundu. Bizim ölkələrin regionda çox böyük yatırımları var. Biz enerji, nəqliyyat və logistika sahələrinə böyük investisiyalar qoymuşuq. Gördüyümüz bu işlər həm bölgənin inkişafında, həm də dünyanın marağında olan məsələlərdi. Bu gün Ukraynada gedən müharibə dünyada enerji çatışmazlığı yaradıb. Yəni bizim ölkələrimiz həm bölgədə, həm də dünyadakı təhlükəsizliyin təmin olunmasında mühüm rol oynayır. Bu üç ölkə ortaya vahid bir mövqe qoydu və bununla da biz dünyaya möhkəm birliyimizi göstərmiş olduq.

Akif Çağatay Kılıç deyib: “Keçən dövr ərzində Azərbaycanın ortaya qoyduğu sülh iradəsi və birlikdə sülh və sabitlik şəraitində yaşamaq təklifi hər üç ölkə tərəfindən dəstəklənib. Lakin burada dördünücü ölkənin də olması lazımdır. Gürcüstan bu məsələdə vasitəçilik və hamını bir araya gətirmək məsələsində səmimi olaraq öz mövqeyini ortaya qoyub. Biz də həm Azərbaycan, həm də Türkiyə olaraq normallaşma prosesini dəstəkləyirik. Ümid edirəm ki, Ermənistan tərəfi də bu önəmli addımları görürlər və xalqlarımızın rifahı üçün bir araya gələcəklər. Çünki bu, onların yeganə çıxış yoludur”.