Bu sözləri Qobustan Milli Tarix-Bədii Qoruğunun ərazidə ispan arxeoloqların apardığı qazıntılara rəhbərlik edən İspaniyanın Rovira və Virgili Universitetinin professoru Manuel Vaquero Rodríguez AZƏRTAC-a müsahibəsində deyib.

İspaniyada da Qobustana bənzər insanların qədim yaşayış məskənlərinin olduğunu deyən ispaniyalı arxeoloq bildirib ki, onlar bir-birlərindən minlərlə kilometr məsafədə yerləşsələr də insanların yaşayış tərzində, ov zamanı istifadə etdikləri alətlərdə bir oxşarlıq sezilir. Qeyd edib ki, Azərbaycanda olduğu kimi İspaniyada da Paleolit, Mezolit dövrünün insanları ovçuluqla məşğul olub.

Bununla bərabər arxeoloq fərqlərin olduğunu da söyləyib: “Daha sonrakı dövrlərdə formalaşan mədəni qatlarda fərqin olduğunu görürük. İnsanların istifadə etdiyi alətlər, qayaüstü öküz təsvirləri bunu deməyə əsas verir”.