-Mən 40 il Mədəniyyət Nazirliyində çalışmışam. Bu dövr ərzində ləyaqətlə Azərbaycan mədəniyyətinin inkişafına xidmət etmişəm. Rəssam kimi, heykəltaraş kimi, yaradıcı insan olaraq bu sahənin inkişafına öz töhfəmi vermişəm. Mən gördüyüm işləri bir-bir sadalamaq istəmirəm. Bütün bunları görmək üçün sadəcə bir az diqqətli olmaq lazımdır. Bundan əlavə mən qarabağlı olaraq hər zaman Azərbaycanın ədalətli mövqeyini dünyaya çatdırmaq üçün çalışmışam. Bütün yaradıcılığımda, əsərlərimdə, mediaya verdiyim müsahibələrdə Azərbaycanın haqlı mövqeyini müdafiə edərək ölkəmizin təbliğatı ilə məşğul olmuşam. Bu məsələlər daha dinamik və peşəkar səviyyədə mənim tərəfimdən həyata keçirilmişdir. Gecə-gündüz Azərbaycan mədəniyyəti üçün çalışan bir insan qarşı görün, Mədəniyyət Nazirliyi nə etdi? Mənim 65 yaşım tamam olan kimi çalışdımdığım bu qurum hansı mədəniyyətsizliyə yol verdi.

Azərbaycan Respublikası Mədəniyyət Nazirliyi Elmi -Metodiki və İxtisasartırma Mərkəzinin rəhbərliyinin göstərişi ilə çox kobud şəkildə pensiya adı ilə məni 40 il çalışdığım idarədən uzaqlaşdırdılar. Bütün bunlar ömrünü mədəniyyətin inkişafına həsr edən, Azrbaycan mədəniyyətinə töhfələr verən mənə qarşı kobud, qeyri peşəkar hərəkət idi. Əvvəla bu sahə üzrə mütəxəssisəm. Bu sahənin bütün incəliklərinə qədər bilirəm Mənim təcrübəmdəm yararlanmaq olardı. İkincisi, insanı təqaüdə göndərərkən elementar qaydalar var, ona riayət etmək lazımdır. Hər kəsin əməyi qiymətləndirilməlidir. Təcrübəli insanların təcrübəsindən yararlanmaq lazımdır. Çox həssas olan yaradıcı insanlara qarşı belə münasibət qəbul oluna bilməz.

Nəhayət Azərbaycan Respublikası Mədəniyyət Nazirliyi sistemində mədənəyyətə aid mütəxəssislər çalışmalıdır. Problemin kökündə bunlar durur. Bu gün araşdırsaq görərik ki, mədəniyyətə aid olmayan şəxslər gəlib bu sahədə yerləşiblər. Həmin şəxslərdə mədəniyyətlə bağlı anlayış yoxdu. Bütün bu amillər Azərbaycan Respublikası Mədəniyyət Nazirliyinin nüfuzuna zərbə vurur. Nazirliyin rəhbərliyi bunun fərqində olmalı və buraxılmış səhvlər aradan qaldırılmalıdır. 40 ildən artıq mədəniyyət sahəsinə xidmət edən mütəxəssis olaraq bütün bunlar mənim ürəyimi ağrıdır. Bütün bu faktorlar bu sahənin mütəxəsssislərini Mədəniyyət Nazirliyindən uzaq düşməsinə gətirib çıxarır.

Rafiq Quliyev daha sonra qeyd edərək bildirib ki, ölkəmizdə gedən bütün inkişaf proseslərini bir ziyalı olaraq izləyirik. Bütün uğurlara görə sevinirik. Azərbaycan xalqı özünün tarixi, maddi-mədəniyyət abidələri, zəngin ədəbiyyatı, incəsənəti və musiqi mədəniyyəti ilə haqlı olaraq fəxr edir. Xalqımızın bədii təfəkkür və yaradıcılığına ölkənin gözəl təbiəti, iqlimi, təbii sərvətlərinin zənginliyi də böyük təsir göstərmişdir. Azərbaycan incəsənəti ölkəmizin təbiəti kimi rəngarəng və zəngindir. Bu zəngin mədəni irsin qorunması və təbliği müstəqil Azərbaycan dövləti tərəfindən davamlı olaraq dəstəklənir. Bu gün mənim də istəyim odur ki, 40 ildən artıq çalışdığım Azərbaycan Respublikası Mədəniyyət Nazirliyi Elmi -Metodiki və İxtisasartırma Mərkəzinə nəhayət o sahəni bilən, mədəniyyətlə bağlı insanlar rəhbərlik etsin. Bir sözlə qeyri peşəkarlar bu sahədən uzaqlaşdırılmalıdır. Cənab nazir Anar Kərimovun həyata keçirdiyi islahatlar Mədəniyyət Nazirliyi Elmi -Metodiki və İxtisasartırma Mərkəzində effektli şəkildə davam etməlidir.

Fact-info.az