2018-12-04 10:00:52 | MƏDƏNİYYƏT
Əsrarəngiz Azərbaycan musiqisi Benbu şəhərində

Çin Xalq Respublikasının Anxoy vilayətinin Benbu şəhərində 2-ci Çin ticarət və mədəni mübadilə beynəlxalq forumu, paralel olaraq Çin beynəlxalq musiqi alətləri sərgisi keçirilib

Müxtəlif xalqlar arasında mədəni mübadilənin gücləndirilməsi ilə “Bir kəmər, bir yol” təşəbbüsünün həyata keçirilməsinə dəstək məqsədi daşıyan hər iki tədbirdə 40-a yaxın ölkə təmsil olunub. Azərbaycan tədbirdə xüsusi qonaq qismində iştirak edib. Açılış mərasimində çıxış edən Benbu meri Van Çen tədbirlərin müxtəlif xalqlar arasında əməli və səmərəli əməkdaşlıq platformasının yaradılması, birgə gələcək üçün səylərin cəmləşdirilməsi məqsədi daşıdığını deyib.

Azərbaycanın Çin Xalq Respublikasındakı səfiri Əkrəm Zeynallı xalqlarımız arasında münasibətlərin böyük tarixi olduğunu deyib. Şərq ilə qərbin qovuşuğunda yerləşən Azərbaycan tarixən təkcə ticarət deyil, həm də mədəniyyət körpüsü rolunu oynayıb. Çinin “Bir kəmər, bir yol” təşəbbüsünün iqtisadi sahə ilə yanaşı, humanitar və mədəni istiqamətdə də əməkdaşlıq üçün yeni imkanlar yaratdığını diqqətə çatdıran səfir Ə.Zeynallı bildirib ki, Azərbaycan bu layihə çərçivəsində müxtəlif formatlarda əməkdaşlığa töhfə verməyə hazırdır.

Azərbaycan xalqının uzun əsrlər boyunca yaratdığı zəngin mədəniyyət nümunələri barədə məlumat verən diplomat ölkəmizdə mədəni irsin qorunması istiqamətində görülən işlərdən də danışıb. Bildirib ki, “İçərişəhər” Dövlət Tarix-Memarlıq və Qobustan Milli Tarix-Bədii qoruqları UNESCO-nun Mədəni İrsi Siyahısına, xalçaçılıq, aşıq, kəlağayı, kamança hazırlanması və ifaçılıq, Lahıc misgərlik sənətləri, lavaş bişirmə və paylaşma ənənəsi, dolma hazırlama və paylaşma ənənəsi, muğam və tar ifaçılığı, Novruz bayramı təşkilatın Qeyri-maddi mədəni irs üzrə Reprezentativ siyahısına daxil edilib. Həmçinin Qarabağın Çövkən ənənəvi atüstü oyunu UNESCO-nun Təcili qorunmaya ehtiyacı olan qeyri-maddi mədəni irs siyahısındadır. Bu yaxınlarda isə “Dədə Qorqud irsi: Dastan mədəniyyəti, xalq nağılları və musiqisi” çoxmillətli mədəniyyət nümunəsi kimi UNESCO-nun Qeyri-maddi mədəni irs üzrə Reprezentativ siyahısına, “Yallı (Köçəri, Tənzərə), Naxçıvanın ənənəvi qrup rəqsləri” isə Təcili qorunma siyahısına daxil edilib.

Azərbaycan-Çin münasibətlərinin inkişafında mədəni sahədə əməkdaşlığın rolunu vurğulayan səfir Ə.Zeynallı Çindən olan turistlərin zəngin mədəni irsi və gözəl təbiəti olan Azərbaycana səfərlərinin iki xalq arasında mübadilənin dərinləşməsinə töhfə verəcəyini deyib. Çin vətəndaşları üçün tətbiq olunan sadələşdirilmiş viza rejimi, Pekin və Urumçi şəhərləri ilə Bakı arasında birbaşa aviasiya əlaqəsi çinli turistlərin Azərbaycan daha rahat səfər etmələrinə imkan yaradır. Bu cür səfərlər iki xalq arasında dostluq münasibətlərini daha da möhkəmləndirəcək.

Təbirdə Azərbaycana aid videoçarxlar nümayiş olunub. Beynəlxalq forum və sərgi çərçivəsində “Əsrarəngiz Azərbaycan musiqisi Benbuda” adlı konsert təşkil edilib. Konsertdə ölkəmiz və onun mədəniyyəti, musiqisi haqqında məlumat verilib. Bildirilib ki, bir çox dinlərin və mədəniyyətlərin qovuşduğu məkan olan Azərbaycan dünya mədəniyyətinə, o cümlədən incəsənətinə, ədəbiyyatına böyük töhfələr verib. Özünəməxsus mədəni irs yaradan Azərbaycan xalqı opera və teatr daxil olmaqla müsəlman Şərqində bir çox yeniliklərə imza atıb.

Konsertdə Əməkdar Artist Toğrul Əsədullayev (kamança), gənc musiqiçilər Günay İmamverdiyeva (xanəndə), Kamal Nuriyev (tar) və Emin Cəbrayılovun (nağara) ifasında Azərbaycan muğamları, təsniflər, xalq mahnıları səsləndirilib. Azərbaycan musiqisinə böyük maraq göstərən qonaqlar musiqimizin sədaları altında rəqs də ediblər. Tarda Çin xalq və Avropa klassik musiqisindən parçaların ifası isə tədbir iştirakçılarının təəccübünə və heyrətinə səbəb olub. Tədbirin əsas təşkilatçılarından biri, Benbu şəhərində dünya əhəmiyyətli mədəni layihələrdən biri olan “Mədəniyyət sərgisi parkı”nı inşa edən “Shanghai Xiangjiang” sənaye şirkətinin rəhbəri Ma Quosian sərgi-forumda fəal iştiraka görə Azərbaycan tərəfinə minnətdarlıq edib, musiqiçilərimizin çıxışlarının tədbirə xüsusi rəngarənglik qatdığını deyib.(Azərtac)

Baxış sayı : 861
Ermənistanda məktəb dərsliklərində tarix saxtalaşdırılaraq azərbaycanlılara nifrət aşılanır 2020-09-22 09:30:46 “Karabakh is Azerbaijan!" Milli Platformasının xaricdəki koordinatorlarının ilk videokonfransı keçirilib 2020-09-22 08:25:47 “Qafqazın geosiyasəti: Dağlıq Qarabağ münaqişəsi” 2020-09-22 08:10:06 Ombudsman növbəti erməni təxribatına dair beynəlxalq təşkilatlara müraciət etdi 2020-09-22 07:15:21 Mövlud Çavuşoğlu: "Azərbaycanın haqlı mübarizəsində daim yanındayıq" 2020-09-22 06:55:23 "Ermənistanın baş naziri danışıqların mahiyyətini məqsədyönlü şəkildə pozur" 2020-09-21 22:00:16 “Dağlıq Qarabağla bağlı informasiyaların dünyaya çatdırılması işi davamlı aparılmalıdır ” 2020-09-21 15:15:07 Gürcüstan saytları Prezident İlham Əliyevin Ermənistanın təxribatları ilə bağlı fikirlərinə geniş yer ayırıb 2020-09-21 09:50:59 Məhəbbət Paşayeva: Qafqaz Albaniyası Azərbaycanın qədim dövlətidir və bu dövlətin varisləri biz azərbaycanlılarıq 2020-09-21 09:45:18 “Ermənistanın indiki rəhbərliyi məsuliyyət dərk etmir” 2020-09-21 09:15:08 QHT “Aztəminatlı əlil, şəhid və müharibə veteranları ailələrinə sosial yardımların təşkili” layihəsinin icrasına başlayıb 2020-09-21 09:05:02 Səbinə Kərimova: “Müharibəyə hazırlaşan Ermənistan üçün nəticələr çox ağır olacaq” 2020-09-21 08:55:59 “Qabarlı əllərin möcüzələri” 2020-09-20 14:35:26 “Eurasia Review” nəşrində Ermənistan-Azərbaycan münaqişəsi barədə məqalə dərc olunub 2020-09-20 08:00:26 Prezident İlham Əliyev: “Biz mütləq öz torpaqlarımıza qayıdacağıq” 2020-09-19 22:30:42 QHT sədri: “Tofiq Yaqublu məsələsində Azərbaycan dövləti 5-ci kolonun planını pozdu” 2020-09-18 19:45:54 Dağlıq Qarabağ bölgəsinin azərbaycanlı icmasının təmsilçiləri diplomatik nümayəndəliklərlə görüşləri davam etdirirlər 2020-09-19 09:20:53 "Arşın mal alan"ın əbədi şöhrəti və erməni xəbisliyi - Üzeyir Hacıbəyli - 135 2020-09-19 08:15:16 Tural Gəncəliyev: Ermənistan Azərbaycana qarşı hərbi təcavüzünü gizlətmək üçün fikiryayındırıcı addımlar atır 2020-09-19 08:10:35 “Güllələnmiş qətl edilmiş Qarabağ mədəniyyəti: Şuşa filminin çəkilməsi” layihəsi start götürüb 2020-09-18 19:55:48 Üzeyir Hacıbəyliyə həsr olunmuş elektron məlumat bazası təqdim edilib 2020-09-18 18:30:45 İşğal olunmuş ərazilərimizdə abidələrin dağıdılması məsələsi daim gündəmdədir 2020-09-18 10:15:02 ABŞ-da Ermənistanın təcavüzündən bəhs edən proqram yayımlanıb 2020-09-18 09:05:25 Türkiyəli professor: Livan ermənilərinin Azərbaycanın işğal olunmuş ərazilərində məskunlaşdırılmasının qarşısı alınmalıdır 2020-09-18 07:45:56