MÜSAHİBƏ
A- A A+

"Dağlıq Qarabağ münaqişəsi ilə bağlı danışıqlara həmkarlarımı cəlb edəcəyəm"

2017-12-11 09:35:23

"Dağlıq Qarabağ münaqişəsinin sülh yolu ilə həlli üçün Avropa Parlamentində danışıqların aparılmasının tərəfdarıyam".

Bu sözləri "Report"un Qərbi Avropa bürosuna Avropa Parlamentinin Finlandiyadan olan üzvü xanım Heidi Hautala deyib. Müsahibəni olduğu kimi təqdim edirik:

- Uzun illərdir ki, Dağlıq Qarabağ münaqişəsi öz həllini tapmayıb. Bu istiqamətdə hansı tədbirlərin görülməsini istərdiniz?

- Avropa Parlamenti BMT-nin qətnamələrini tanıyıb. Biz parlamentarilər Dağlıq Qarabağ münaqişəsi üçün sülhməramlı danışıqları dəstəkləməliyik. Bilirəm ki, Dağlıq Qarabağ münaqişəsinin həlli ATƏT-in Mink qrupuna həvalə edilib. Düzdür, 25 il ərzində bu istiqamətdə bir sıra işlər görülüb. Lakin mən hesab edirəm ki, biz parlamentarilər də Dağlıq Qarabağ münaqişəsinin sülh yolu ilə həllinə öz töhfəmizi verməliyik. Bu istiqamətdə aparılan danışıqları dəstəkləməliyik. Dağlıq Qarabağ münaqişəsinin sülh yolu ilə həlli üçün Avropa Parlamentində danışıqların aparılmasının və bu danışıqlara digər tərəflərin cəlb edilməsinin tərəfdarıyam. Misal üçün vətəndaş cəmiyyətlərinin bu danışıqlarda iştirak etmələri həmin istiqamətdə atılan addımların uğurlu nəticələr verməsində böyük rol oynaya bilər.

Xüsusilə qadınları danışıqlara cəlb etməliyik. Dünyada imzalanan sülhməramlı müqavilələrin yalnız 2 faizi, sülh naminə aparılan danışıqların 9 faizində qadınlar iştirak edir. Bu, çox azdır. Dağlıq Qarabağ münaqişəsinin həlli istiqamətində aparılan danışıqlarda qadınların iştirakı bu münaqişənin həllinə təkan verə bilər. Mən öz tərəfimdən Avropa Parlamenti çərçivəsində Dağlıq Qabağın sülh yolu ilə nizamlanması istiqamətində danışıqların aparılmasına öz həmkarlarımı cəlb etmək üçün çalışacam.

- Avropa İttifaqı ilə Azərbaycan arasındakı bugünkü əməkdaşlığı necə qiymətləndirirsiniz?

- Avropa Parlamenti ilə Azərbaycan parlamenti arasında münasibətlərin bərpa edilməsinə nail olmuşuq. Avronestdəki böhrandan sonra, nəhayət ki, azərbaycanlı həmkarlarımızla açıq dialoq qura bilmişik. Azərbaycan parlamentinin yeni təyin edilmiş nümayəndələri ilə işləmək asandır. Hesab edirəm ki, səmimi dialoq, danışıqlar yolu ilə istənilən məsələnin həllini tapmaq mümkündür. - İslamofobiya fenomeni ilə bağlı düşüncələriniz.

- Təəssüfedici haldır ki, dünyada bir sıra münaqişələr din adı altında baş verir. Bir sıra qruplar islam dinindən istifadə edərək zorakılıq faəliyyətləri ilə məşğul olurlar. Biz islamofobiya hallarını gözüyumlu qarşılamamalıyıq. İslamofibiya mövcud olmamalıdır. İslam dünyəvi dindir. Dünyəvi dövlət olan Azərbaycan buna bir nümunədir. Azərbaycan modeli digər ölkələr üçün örnək olmalıdır.


Kateqoriya : MÜSAHİBƏ Baxış sayı : 964

QHT və MEDİA

2020-04-10 09:50:16

QHT və MEDİA
AŞ PA həmməruzəçiləri: Azərbaycanda məhk...
AŞ PA həmməruzəçiləri: Azərbaycanda məhk...

Avropa Şurası Parlament Assambleyasının (AŞ PA) Azərbaycan üzrə həmməruzəçilə...

2020-04-09 09:40:48

QHT və MEDİA
Şura QHT-ləri Sorğuda fəal iştirak etməy...
Şura QHT-ləri Sorğuda fəal iştirak etməy...

Prezident yanında Qeyri-Hökumət Təşkilatlarına Dövlət Dəstəyi Şurası koronavi...

CƏMİYYƏT

2020-04-01 15:10:10

CƏMİYYƏT
31 mart 1918-ci il Bakı hadisələri bir i...
31 mart 1918-ci il Bakı hadisələri bir i...

XX əsr tariximizin ən ağrılı, ən qanlı, ən faciəli məqamı - xalqımızın və əra...

2020-03-30 14:00:00

CƏMİYYƏT
Milli həmrəyliyimiz, məsuliyyətli davran...
Milli həmrəyliyimiz, məsuliyyətli davran...

Bu barədə QHT.az-a Sosial Rifah və Tədqiqatlar İctimai Birliyinin sədri Əkrəm...

İQTİSADİ

2020-04-10 10:00:52

İQTİSADİ
Nazirlər Kabineti illik hesabatın yeni f...
Nazirlər Kabineti illik hesabatın yeni f...

Nazirlər Kabineti hökumətin 2019-cu ildə fəaliyyətinə dair illik İcmal Hesaba...

2020-04-07 18:15:52

İQTİSADİ
Sahil Babayev: Fərdi sahibkarlar üçün DS...
Sahil Babayev: Fərdi sahibkarlar üçün DS...

Əmək və Əhalinin Sosial Müdafiəsi Nazirliyi İqtisadiyyat Nazirliyi ilə birlik...