2021-03-19 09:50:30 | TƏDQİQATLAR-ANALITIKA
“İlham Əliyev. İnkişaf - məqsədimizdir” çoxcildliyinin 107-ci kitabı çapdan çıxıb

Kitabda Azərbaycan Prezidentinin Vətən müharibəsi zamanı xalqa müraciətlərinin və xarici KİV-lərə bir sıra müsahibələrinin mətnləri toplanıb

Bilirsiniz, mənə minlərlə məktub gəlir. Bu məktubları oxuyanda, sözün düzü, mən də bəzi hallarda sevinc göz yaşlarımı saxlaya bilmirəm. O məktublarda o qədər səmimi, o qədər isti, o qədər qürurverici sözlər yazılır və mənə mesaj kimi çatdırılır. O məktubları oxuyanda bir daha görürəm ki, Azərbaycan xalqı nə qədər böyük xalqdır. Uzun illər belə vəziyyətdə yaşamaq, ancaq ümidlərlə yaşamaq, o ümidlərlə ki, gün gələcək və onlar öz dədə-baba ocağına qayıdacaqlar. Bu, doğrudan da böyük fədakarlıqdır. Mən çox xoşbəxtəm ki, bu qələbə sevincini bizim insanlara bəxş edə bildik.

“İlham Əliyev. İnkişaf - məqsədimizdir” çoxcildliyinin 107-ci kitabında yer alan bu fikirləri dövlətimizin başçısı 2020-ci il oktyabrın 15-də Türkiyənin NTV televiziya kanalına müsahibəsində söyləyib.

Çoxcildliyin növbəti kitabındakı materiallar 2020-ci il oktyabrın 15-dən noyabrın 4-dək olan dövrü - Vətən müharibəsinin davam etdiyi günləri əhatə edir. Həmin taleyüklü günlərdə Prezident, Müzəffər Ali Baş Komandan İlham Əliyev eyni vaxtda üç cəbhədə - döyüş meydanında, diplomatik müstəvidə və informasiya məkanında əzmlə, uğurla mübarizə aparırdı. Dövlətimizin başçısı xarici telekanallara, beynəlxalq informasiya agentliklərinə müsahibələrində xalqımızın haqq səsini, Qarabağ həqiqətlərini dünya ictimaiyyətinə çatdırır, işğalçı Ermənistana və onu himayə edənlərə açıq mesajlar verirdi. Kitaba daxil edilən bu və digər materiallar Azərbaycanın şanlı Vətən müharibəsi haqqında dolğun təsəvvür yaradır.

Bu cildə Prezident İlham Əliyevin “Rossiya Seqodnya” Beynəlxalq İnformasiya Agentliyinə (Rusiya), “A Haber” telekanalına (Türkiyə), TASS informasiya agentliyinə (Rusiya), “Nikkei” (Yaponiya), “Figaro” (Fransa) qəzetlərinə, “Fox News” (ABŞ), “RAİ-1” (İtaliya) televiziya kanallarına, “İnterfaks” agentliyinə (Rusiya), ARD telekanalına (Almaniya), “La Republica” qəzetinə (İtaliya), EFE informasiya agentliyinə (İspaniya) müsahibələrinin mətnləri daxil edilib.

Kitabda Azərbaycan Prezidentinin xalqa müraciətlərinin mətnləri ilə yanaşı, rəsmi “Twitter” hesabında paylaşımları da yer alıb. Bu paylaşımlarda rəşadətli ordumuzun cəbhədə qazandığı qələbələr, işğaldan azad edilmiş ərazilərimiz barədə məlumatlarla, eyni zamanda, Ermənistanın hərbi-siyasi rəhbərliyinin müharibə cinayətlərini, Gəncə və Bərdəni raket atəşinə tutmasını qətiyyətlə pisləyən bəyanatlarla tanış olmaq mümkündür.

Çoxcildliyin 107-ci kitabında Prezident İlham Əliyevin Türkiyə Böyük Millət Məclisinin Sədri Mustafa Şəntop, qardaş ölkənin Baş Ombudsmanı Şərəf Malkoç, xarici işlər naziri Mövlud Çavuşoğlu, sabiq Baş nazir Binəli Yıldırım ilə görüşləri, Türkdilli Dövlətlərin Əməkdaşlıq Şurasının baş katibi Bağdad Amreyevi, İran Prezidentinin xüsusi nümayəndəsi Seyid Abbas Əraqçini qəbul etməsi, Türkiyə və Rusiya liderləri ilə telefon danışıqları barədə materiallar verilib.

Oxucular yeni nəşrdə Azərbaycan Prezidentinin Müdafiə Nazirliyinin Mərkəzi Komanda Məntəqəsində keçirdiyi operativ müşavirədə çıxışının mətni ilə də tanış ola bilərlər.

“Azərnəşr” tərəfindən buraxılan 107-ci kitabın hazırlanmasında Azərbaycan Dövlət İnformasiya Agentliyinin (AZƏRTAC) materiallarından istifadə olunub.

Baxış sayı : 401
“Narkomaniyaya qarşı mübarizə və vətəndaş cəmiyyəti” mövzusunda ictimai müzakirə keçirilib 2021-09-18 19:30:13 Reza Deqati Nizami Gəncəvinin dağıdılmış büstü barədə paylaşım edib 2021-09-18 11:35:11 Reza Deqati Nizami Gəncəvinin dağıdılmış büstü barədə paylaşım edib 2021-09-18 11:35:11 Ağdamda beynəlxalq konfrans keçirilir 2021-09-18 10:00:06 Azərbaycanda Milli Musiqi Günüdür 2021-09-18 08:45:47 “BBC News”: Keçmişlə gələcəyin astanasında olan Azərbaycan mədəniyyəti ziyarətçilərə unudulmaz təəssürat bəxş edir 2021-09-17 11:10:36 Əhməd İsmayılov: Avrasiya Media Forumu onlarla ölkədən yüzlərlə nümayəndənin birləşdiyi beynəlxalq ünsiyyət platformasıdır 2021-09-17 10:15:50 Əcnəbi media Oxçuçayın çirkləndirilməsindən yazdı 2021-09-17 10:10:00 "Ermənistanı məsuliyyətə cəlb etmək üçün məhkəməyə müraciət edəcəyik" 2021-09-17 09:45:10 Fəlsəfə doktoru Zəkulla Bayramlının polis özbaşınalığı ilə bağlı müraciəti 2021-09-17 09:05:17 Əlaqələndirmə Qərargahının iclasında bir sıra vacib məsələlər müzakirə olunub 2021-09-16 19:05:36 XİN Fransa Milli Assambleyası üzvünün Xankəndiyə qanunsuz səfərinə münasibət bildirib 2021-09-16 12:30:22 Oxçuçay problemi BMT iclasında müzakirəyə çıxarılıb 2021-09-16 09:20:59 Məcburi köçkünlərin xatirələri barədə videoçarxlar hazırlanır 2021-09-16 08:55:38 Sabir Rüstəmxanlı: Bu gün Azərbaycanın yürütdüyü siyasət Azərbaycan və Türkiyə vətəndaşlarının birliyini əks etdirir 2021-09-16 09:25:30 XVII Avrasiya Media Forumu keçirilib 2021-09-16 07:55:59 Ərdoğan Bakının işğaldan azad olunmasının ildönümünü təbrik edib 2021-09-15 18:05:27 Koronavirusun yeni ştamları yaranmağa davam edəcək - Baş infeksionist 2021-09-15 14:35:30 Qarabağ Regional Memarlıq və Şəhərsalma Baş İdarəsinin təşkili ilə bağlı işlər aparılır 2021-09-15 10:35:31 Qafqaz-İslam Ordusu və Azərbaycanın xilası 2021-09-15 09:30:27 Hulusi Kılıç: Azərbaycan xalqı Qafqaz İslam Ordusunun tarixi xilaskarlıq missiyasını hər zaman qan yaddaşında yaşadıb 2021-09-15 09:05:57 15 sentyabr Azərbaycan-Türkiyə qardaşlığının tarixi sübutudur 2021-09-15 08:05:40 Prezident İlham Əliyev Cəlilabad və Şəmkirin yeni icra başçılarını videoformatda qəbul edib 2021-09-14 19:40:10 Şamil Ayrım: Azərbaycanla Türkiyə bir-birindən ayrılmaz iki hissədən ibarət bir Vətəndir 2021-09-14 11:30:25