MƏDƏNİ
A- A A+

“Ağdamda nəyim qaldı” romanı çapdan çıxıb

2019-09-05 09:45:03

.

Azərbaycan Respublikasının Əməkdar incəsənət xadimi, yazıçı-dramaturq Əli Əmirlinin 2015-ci ildən hissə-hissə təkrar dərc edilən “Ağdamda nəyim qaldı” avtobioqrafik romanı “Qanun” nəşriyyatında çapdan çıxıb.

Bu barədə AZƏRTAC-a müəllifin özü məlumat verib.

Kitabın ön sözünün müəllifi Rəşad Məciddir.

“Meydan”, “Ölü doğan şəhər”, “Axirətdən qabaq gəzinti”, “Sonalar gölü”, “Haram” kimi romanların və onlarla hekayənin müəllifi Əli Əmirli dramaturgiya ilə məşğul olduğu otuz illik fasilədən sonra yenidən nəsrə qayıdaraq “ruhlar şəhərinə” çevrilmiş Ağdamın ötən əsrin 50-60-cı illərindəki mənzərəsini təsvir edərək xatirələrində canlandırıb. Roman dərc edildiyi gündən böyük oxucu rəğbəti qazanıb və mütəxəssislərin yüksək qiymətini alıb.

“Son oxuduğum bədii nümunələrdən Əli Əmirlinin “Ağdamda nəyim qaldı” avtobioqrafik romanının adını çəkə bilərəm. Çox həyati, canlı, deyərdim ki, olduqca təbii, insanın hiss və duyğularını ehtizaza gətirən, onu daxilən silkələyən, yerindən oynadan əsərdir. Az qala hər sətrindən yazıçının mövzuya hakimliyi, dərin səmimiyyəti, bəzən naturalizmə varacaq müşahidə dərinliyi və qüdrəti hiss edilir. İstər dil, istər personajlar, situasiyalar o qədər təbii, o qədər həyatidir ki, uşaqlıq dövrü, ötən əsrin 60-cı illərində Azərbaycanın rayon mərkəzlərində keçən hər bir kəs burada özünün, yaxud dostlarının, tanışlarının həyatından epizodlar görə bilər. Hadisələrin ölkəmizin ən koloritli guşələrindən biri olan Ağdamda cərəyan etməsi isə, romana ayrı ruh, ayrı ahəng verir... Mənim fikrimcə, bu romanı tərəddüdsüz bizim günlərin Azərbaycan nəsrinin uğurlarından saymaq mümkündür”. Kitabın üz qabığının dördüncü səhifəsində yer alan bu sözlərin müəllifi ölkəmizin Macarıstandakı səfiri, filologiya elmləri doktoru, professor Vilayət Quliyevdir.


Kateqoriya : MƏDƏNİ Baxış sayı : 581

QHT və MEDİA

2020-06-02 07:55:01

QHT və MEDİA
“La Vanguardia”: Azərbaycan işğal olunmu...
“La Vanguardia”: Azərbaycan işğal olunmu...

İspaniyanın populyar “La Vanguardia” qəzeti Azərbaycanın Müdafiə naziri Zakir...

2020-06-01 08:10:21

QHT və MEDİA
Fransa mediası 28 May Respublika Gününə...
Fransa mediası 28 May Respublika Gününə...

Fransanın “Agoravox” portalında “Rusiya və Azərbaycanın qeyri-adi tarixi “ ad...

CƏMİYYƏT

2020-06-01 07:40:01

CƏMİYYƏT
Türkdilli dövlətlər arasında strateji əm...
Türkdilli dövlətlər arasında strateji əm...

“Türkdilli ölkələr arasında çoxtərəfli formatda əlaqələrin qurulmasına ötən ə...

2020-05-26 13:20:05

CƏMİYYƏT
Virusa daha tez qalib gələrək normal həy...
Virusa daha tez qalib gələrək normal həy...

Virusa daha tez qalib gələrək normal həyata qayıtmaq üçün qoyulan qaydalara r...

İQTİSADİ

2020-05-29 09:30:52

İQTİSADİ
Azərbaycan postpandemiya dövründə biznes...
Azərbaycan postpandemiya dövründə biznes...

Dünyanın aparıcı şirkətlərinin Azərbaycana marağı artmaqdadır. Hətta pandemiy...

2020-05-15 10:35:56

İQTİSADİ
Azərbaycan Qafqazdan keçən Avrasiya nəql...
Azərbaycan Qafqazdan keçən Avrasiya nəql...

Azərbaycan Qafqaz regionundan keçən Avrasiya nəqliyyat marşrutlarının inkişaf...