QHT və MEDİA
A- A A+

Bolqarıstan deputatlarının Dağlıq Qarabağa səfəri beynəlxalq hüquqa zidd addımdır

2019-08-08 12:50:58

.

Bolqarıstan parlamentinin deputatları Valeri Simeonov və İordan Apostolovun Azərbaycanın işğal olunmuş Dağlıq Qarabağ ərazisinə səfər etmələri və oradakı qondarma rejimin nümayəndələri ilə görüşmələri birbaşa beynəlxalq hüquq pozuntusudur. Çünki Dağlıq Qarabağdakı qondarma rejimi dünyanın heç bir dövləti tanımır, hətta işğalçı Ermənistanın özü belə tanıya bilməyib.

Bunu Trend-ə Milli Məclisin Yeni Azərbaycan Partiyasından olan deputatı Elman Nəsirov deyib.

E.Nəsirov bildirib ki, NATO-nun, Avropa İttifaqının üzvü olan Bolqarıstan kimi bir dövlətin deputatlarının belə bir addım atması eyni zamanda qondarma rejimi legitimləşdirmək cəhdi kimi də qiymətləndirilməlidir:

“Belə addımlar, əslində, Avropa İttifaqı, NATO üzvü olan dövlətlərin beynəlxalq arenada davranışları ilə bağlı üzərinə götürdükləri öhdəliklərə tamamilə ziddir və hesab edirəm ki, belə səfərlərə onların şəxsi arzuları, fərdi səfərləri kimi yanaşmalar qəbuledilməzdir. Bəzən, belə halların şahidi oluruq ki, müvafiq dövlətlərin yüksək rütbəli təmsilçiləri Dağlıq Qarabağa analoji səfərlər etdikdən sonra onların rəhbərləri vəziyyətdən çıxmaq üçün belə ifadələr işlədirlər ki, guya bu səfər dövlətin mövqeyi ilə üst-üstə düşmür, bu, onların şəxsi səfəridir və s. Bu kimi yanaşmalar kökündən yanlışdır.

Xüsusilə, nəzərə alsaq ki, Bolqarıstandan olan bu iki deputatın Dağlıq Qarabağa səfəri zamanı qondarma rejimin qondarma “parlamenti”nin qondarma “spikeri” ilə danışıqlar aparması ümumiyyətlə bir daha nümayiş etdirir ki, bu addım əslində separatçı rejimə legitimlik gətirmək əlamətidir”.

Deputat bildirib ki, belə hallarda Azərbaycan Xarici İşlər Nazirliyi həmin şəxsləri “persona non-qrant” şəxslər elan edir və özünün “arzuolunmaz şəxslər” siyahısına daxil edir:

“Nəzərə alın ki, Bolqarıstanla Azərbaycan arasında münasibtlər kifayət qədər inkişaf edib, Bolqarıstan da Cənub Qaz Dəhlizi layihəsinin əsas tərəfdaşlarından biridir və bu ölkənin Baş naziri Azərbaycana səfər edərkən dövlət başçısı cənab İlham Əliyevdən Bolqarıstana bir milyard kubmetr qaz verilməsini xahiş etmişdi. Yəni bütün bunlar onu göstərir ki, Bolqarıstan-Azərbaycan münasibətləri kifayət qədər inkişaf etmiş səviyyədədir. Lakin belə hallar təbii ki, münasibətlərimizə kölgə salır. Ona görə də hesab edirəm ki, həmin deputatların Bolqarıstanın mili dövlətçilik maraqlarına zidd addımlarına hüquqi müstəvidə qiymət veriləcək”.


Kateqoriya : QHT və MEDİA Baxış sayı : 593

QHT və MEDİA

2020-06-06 16:55:00

QHT və MEDİA
Anar Məmmədov: İkili standartlar olan ...
Anar Məmmədov: İkili standartlar olan ...

Müstəqilliyin bərpasından ötən dövr ərzində Azərbaycan demokratik inkişaf ist...

2020-06-06 10:20:15

QHT və MEDİA
“İngiltərənin geosiyasi maraqlarında “er...
“İngiltərənin geosiyasi maraqlarında “er...

Özbəkistandakı Heydər Əliyev adına Azərbaycan Mədəniyyət Mərkəzinin təşəbbüsü...

CƏMİYYƏT

2020-06-04 18:35:30

CƏMİYYƏT
Ekoloji təhlükəsizlik siyasəti
Ekoloji təhlükəsizlik siyasəti

Əvvəl "Ekoloji təhlükəsizlik" nədir sualına aydınlıq gətirməyə çalışaq. Ekolo...

2020-06-03 08:40:48

CƏMİYYƏT
Azərbaycan Ordusu - 102
Azərbaycan Ordusu - 102

“Danışıqlar öz yerində, ancaq indi dünyada siz də yaxşı görürsünüz ki, güc a...

İQTİSADİ

2020-05-29 09:30:52

İQTİSADİ
Azərbaycan postpandemiya dövründə biznes...
Azərbaycan postpandemiya dövründə biznes...

Dünyanın aparıcı şirkətlərinin Azərbaycana marağı artmaqdadır. Hətta pandemiy...

2020-05-15 10:35:56

İQTİSADİ
Azərbaycan Qafqazdan keçən Avrasiya nəql...
Azərbaycan Qafqazdan keçən Avrasiya nəql...

Azərbaycan Qafqaz regionundan keçən Avrasiya nəqliyyat marşrutlarının inkişaf...