QHT və MEDİA
A- A A+

Avropada təhsil alan azərbaycanlı gənclərin Roma forumu keçirilib

2019-05-20 08:25:19

Avropada təhsil alan azərbaycanlı gənclərin Roma forumu baş tutub.

Tədbirdə Azərbaycan Respublikasının Diasporla İş üzrə Dövlət Komitəsinin sədri Fuad Muradov, sədr müavini Faiq Quliyev, ölkəmizin İtaliyadakı səfiri Məmməd Əhmədzadə, Təhsil Nazirliyinin beynəlxalq əməkdaşlıq şöbəsinin müdiri Nicat Məmmədli, Əmək və Əhalinin Sosial Müdafiəsi Nazirliyinin məşğulluq siyasəti və demoqrafiya şöbəsinin müdir müavini Rəna Abdullayeva və 200 nəfərə yaxın tələbə iştirak edib.

Forumu Azərbaycan-İtaliya Gənclər Assosiasiyasının (AİGA) sədri Fərid Abbasov açıb.

Azərbaycanın İtaliyadakı səfiri Məmməd Əhmədzadə Azərbaycan-İtaliya arasındakı ikitərəfli münasibətlər, təhsil sahəsində qarşılıqlı əməkdaşlıq, İtaliyada təhsil alan azərbaycanlıların dövlətlərarası münasibətlərə töhfəsindən danışıb.

Diasporla İş üzrə Dövlət Komitəsinin sədri Fuad Muradov Avropada təhsil alan azərbaycanlı tələbələrin diaspor fəaliyyəti barədə ətraflı məlumat verərək bu qitədə diasporun formalaşmasında gənclərin roluna diqqəti cəlb edib. Bildirib ki, Azərbaycanın dövlət müstəqilliyinin əldə edilməsində və qorunmasında gənclərimizin rolu böyükdür. Odur ki, gənclərimizin keyfiyyətli təhsil alması olduqca vacibdir.

Azərbaycan dövlətinin gənclərə qayğı və diqqətlə yanaşdığını vurğulayan F.Muradov xatırladıb ki, məhz xaricdə təhsil alan gənclərimiz Vətənimizlə bağlı keçirilən tədbirlərdə fəallıq nümayiş etdirirlər. Bunun nümunəsi “Xocalıya ədalət!” beynəlxalq kampaniyası çərçivəsində keçirilən tədbirlər zamanı hiss edilir, bu yaxınlarda isə Brüsseldə keçirilən aksiyada da bir daha sübut olundu.

Azərbaycanın Təhsil Nazirliyinin beynəlxalq əməkdaşlıq şöbəsinin müdiri Nicat Məmmədli Avropada təhsil almış tələbələrin diplomlarının tanınması və onların nazirliyin tabeliyində olan qurumlarla əməkdaşlıq əlaqələrindən söz açıb. Qeyd edib ki, dövlət proqramı əsasında xaricdə 3500-dən çox azərbaycanlı gənc təhsil alıb və Avropada təhsil alan hər bir azərbaycanlı gənc ölkəmiz üçün qiymətlidir. N.Məmmədli deyib ki, Vətənimizin gələcəyi üçün daha yaxşı kadrların hazırlanması prioritet məsələlərdən biridir. Buna görə də xaricdə təhsil almaq üçün hər cür şərait yaradılıb və ölkəmizdə xaricdə təhsil alanlara böyük ehtiyac var.

Əmək və Əhalinin Sosial Müdafiəsi Nazirliyinin məşğulluq siyasəti və demoqrafiya şöbəsinin müdir müavini Rəna Abdullayeva Avropada təhsil almış və ixtisaslaşmış kadrlar üçün Azərbaycanda potensial iş imkanları barədə məlumat verib. O, ölkəmizdə tətbiq olunan sosial-iqtisadi innovasiyalardan və gənclər arasında sahibkarlığın inkişafından danışıb.

Tədbir fikir mübadiləsi ilə davam etdirilib. Dövlət qurumlarının rəsmiləri gənclərin Avropada qarşılaşdıqları problemləri diqqətlə dinləyiblər və onların suallarını cavablandırıblar.(Azərtac)


Kateqoriya : QHT və MEDİA Baxış sayı : 541

QHT və MEDİA

2020-03-31 08:25:41

QHT və MEDİA
Fərasət Qurbanov: QHT-lər ən çətin məqam...
Fərasət Qurbanov: QHT-lər ən çətin məqam...

QHT-lər hər zaman Cənab Prezidentin çağırış və tövsiyələrinə dəstək verib, ən...

2020-03-29 18:55:57

QHT və MEDİA
Səfir: Saxta “erməni soyqırımı” mövzusun...
Səfir: Saxta “erməni soyqırımı” mövzusun...

Erməni millətçi dairələrinin Azərbaycan xalqına qarşı törətdikləri soyqırımı ...

CƏMİYYƏT

2020-03-30 14:00:00

CƏMİYYƏT
Milli həmrəyliyimiz, məsuliyyətli davran...
Milli həmrəyliyimiz, məsuliyyətli davran...

Bu barədə QHT.az-a Sosial Rifah və Tədqiqatlar İctimai Birliyinin sədri Əkrəm...

2020-03-21 10:05:33

CƏMİYYƏT
TRT Hacı Zeynalabdin Tağıyevə həsr edilm...
TRT Hacı Zeynalabdin Tağıyevə həsr edilm...

Türkiyənin “TRT AVAZ” televiziya kanalında yayımlanan “Köklərin izində” sənəd...

İQTİSADİ

2020-03-23 12:10:28

İQTİSADİ
Könül Nurullayeva: Azərbaycan Prezidenti...
Könül Nurullayeva: Azərbaycan Prezidenti...

Fevralın 9-da Milli Məclisə keçirilən seçkilər Azərbaycanda demokratik dəyərl...

2020-03-17 11:00:35

İQTİSADİ
Hazırkı vəziyyət Rəqabət Məcəlləsinin qə...
Hazırkı vəziyyət Rəqabət Məcəlləsinin qə...

Artıq iqtisadi strukturlarda baş verən dəyişikliklər Rəqabət Məcəlləsinə qəbu...