SOSİAL
A- A A+

Kastamonu şəhərinin gənc fəalları Azərbaycanla tanış olublar

2018-09-03 11:25:08

.

Türkiyənin paytaxtı Ankara şəhəri yaxınlığında yerləşən Kastamonu vilayətinin 374.000 (şəhərin öz əhalisi isə 118.000-dir) əhalisi var. Əhalinin böyük əksəriyyəti kənd təsərrüfatı və maldarlıqla məşğul olur. Hazırda Kastamonu şəhər Bələdiyyəsinin Başkanı Tahsin Babaş, şəhər Valisi Yaşar Karadenizdir. Kastamonu Türkiyənin istiqlal savaşı zamanı ən çox şəhid verən bir ərazi olaraq tarixə düşüb. 1073-cü ildən Türk yurdu kimi tanınan Kastamonu şəhəri daim qonaq-qaralı olub. Bu şəhəri həm də Övliyalar və şəhidlər şəhəri kimi tanınır. 2018-ci il fevralın 28-də Azərbaycan Respublikası Milli Məclisinin deputatı Xanım Qənirə Paşayeva Kastamonu Dövlət Universitetinin pedaqoji kollektivi ilə görüşmüş, Qarabağ faciəsi, Xocalı soyqırımı haqda ətraflı məlumat vermişdir. Qənirə xanımın 1 saata yaxın davam edən çıxışı tələbə-gənclərin, bütövlükdə Universitetin pedaqoji kollektivini yaddaşına əbədi hopmuşdur. Onun xahişilə Kastamonuda Qarabağ parkının tikilib-istifadəyə verilməsi nəzərdə tutulur. Türkiyə və Azərbaycan mədəni əlaqələrinin inkişafında müstəsna xidmətləri olan Xanım Qənirə Paşayeva Azərbaycanın hər bir vətəndaşı tərəfindən xeyirxah insan kimi qəbul edilir.

Q.Paşayevanın dəvəti, Kastamonu Bələdiyyə Başkanı T.Babaşın dəstəyilə bu şəhərin Türkiyənin müxtəlif universitetlərində təhsil alan tələbələri -Cansel Nur Komye, Elif Maraz, Betül Keloğlu və Buse Nur Keloğlu -“Biz Tek millet, iki devletiz!” layihəsi əsasında Azərbaycana qonaq gəlib. Hörmətli Qənirə xanım keçirilən beynəlxalq tədbirlərlə əlaqədar xaricdə olduğundan “Xocalı Soyqırımını Tanıtma” ictimai birliyinin sədri olaraq mən, dəyərli dostlarımla birgə qonaqları şəhərin gəzməli-görməli yerlərilə tanış etməyə başladıq.Yeri gəlmişkən, bu səfərdə qonaqlara xüsusi diqqət ayıran Azərbaycanın bütün qeyrətli övladlarına, o cümlədən, “Bosfor” Otelinin rəhbərliyinə, istedadlı və vətənpərvər jurnalist Elgün Mənsimova, habelə, “Xocalı Soyqırımını Tanıtma”ictimai birliyinin İcraçı Direktoru Əjdər Hümbətova, İcraçı Direktorun Təşkilati Məsələlər üzrə müavini Şamilə Şamilqızına, Birliyin Qadınlar Şurasının sədri Xanım Ayna Allahyarqızına, “Xocalı İdman Klubu”nun rəhbərliyinə təşəkkür edirik. Sentyabrın 2-də qonaqlar Zəngilan rayonundan olan məcburi köçkünlərin müvəqqəti məskunlaşdıqları şəhərciyə baş çəkdilər, Masazır qəsəbəsində rayon əhalisinə yaradılan şəraitlə tanış oldular. Həqiqətən də Azərbaycanın Dövlət Başçısı cənab İlham Əliyevin müvafiq Sərəncam və tapşırıqlarına əsasən Ermənistanın işğalçılıq siyasəti nəticəsində ev-eşiyindən didərgin düşmüş qaçqın və məcburi köçkünlərə zəruri şərait yaradılır. Bu baxımdan, zəngilanlılar üçün yaradılan şərait çox təqdirəlayiqdir. Biz, qonaqlarla birgə Zəngilan rayon 33 saylı məcburi köçkün tam orta məktəbində və Rayon Tarix-diyarşünaslıq Muzeyində olduq. Səliqə-sahman ilk baxışdan göz oxşayırdı. 33 saylı tam orta məktəbin direktoru Xanım Səadət Səfquliyeva, direktor müavini Xanım Kifayət Şükürova pedaqoji kollektivlə birgə tədrisin keyfiyyətli aparılması üçün əllərindən gələni əsirgəmirlər.Biz, rayon Gənclər və İdman İdarəsinin rəisi Natiq Quluzadə ilə birgə Zəngilan Tarix-diyarşünaslıq Muzeyinə baş çəkdik. Muzeydə yaradılan şərait məni və qonaqları valeh etdi.Səhv etmirəmsə, Kəlbəcər və Zəngilan rayonlarının Tarix-diyarşünaslıq Muzeyləri digərlərinə gözəl bir nümunədir.Mən Muzeydə toplanan eksponatlara görə rayon İcra Hakimiyyətinin Başçısı cənab Ramiz Həsənova, habelə, bu işdə zəhməti olan hər bir şəxsə təşəkkür edirəm. Azərbaycanın, o cümlədən, Zəngilan rayonunun qədim tarixinə aid məlumat və eksponatlar qonaqlarda hədsiz məmnunluq doğurdu. Türkiyəli tələbə-gənclərin Azərbaycana işgüzar səfəri davam edir.

Şamil Sabiroğlu, “Xocalı Soyqırımını Tanıtma”ictimai birliyinin sədri, “Ana harayı”qəzetinin baş redaktoru, “Tərəqqi”medalının mükafatçısı, Qarabağ qazisi.

Şamilə Şamilqızı, “fact-info.az”və “xebertv.az”saytlarının xüsusi müxbiri.


Kateqoriya : SOSİAL Baxış sayı : 936

QHT və MEDİA

2020-06-03 09:15:29

QHT və MEDİA
Şura qrant müsabiqəsi elan edir
Şura qrant müsabiqəsi elan edir

Azərbaycan Respublikasının Prezidenti yanında Qeyri-Hökumət Təşkilatlarına Dö...

2020-06-02 07:55:01

QHT və MEDİA
“La Vanguardia”: Azərbaycan işğal olunmu...
“La Vanguardia”: Azərbaycan işğal olunmu...

İspaniyanın populyar “La Vanguardia” qəzeti Azərbaycanın Müdafiə naziri Zakir...

CƏMİYYƏT

2020-06-04 11:05:08

CƏMİYYƏT
Dövlətçilik tariximizin parlaq səhifəsi...
Dövlətçilik tariximizin parlaq səhifəsi...

O illərdə xalqımızın qabaqcıl şəxsiyyətləri, mütəfəkkir adamları, ziyalıları ...

2020-06-03 08:40:48

CƏMİYYƏT
Azərbaycan Ordusu - 102
Azərbaycan Ordusu - 102

“Danışıqlar öz yerində, ancaq indi dünyada siz də yaxşı görürsünüz ki, güc a...

İQTİSADİ

2020-05-29 09:30:52

İQTİSADİ
Azərbaycan postpandemiya dövründə biznes...
Azərbaycan postpandemiya dövründə biznes...

Dünyanın aparıcı şirkətlərinin Azərbaycana marağı artmaqdadır. Hətta pandemiy...

2020-05-15 10:35:56

İQTİSADİ
Azərbaycan Qafqazdan keçən Avrasiya nəql...
Azərbaycan Qafqazdan keçən Avrasiya nəql...

Azərbaycan Qafqaz regionundan keçən Avrasiya nəqliyyat marşrutlarının inkişaf...