CƏMİYYƏT
A- A A+

QHT-nin hazırladığı videoçarxlar ictimaiyyətə təqdim edilib

2017-11-01 11:00:34

.

“Vətəndaş Tribunası” İctimai Birliyi ”İctimai aktuallıq kəsb edən mövzular üzrə sosial çarxların hazırlanması” layihəsi çərçivəsində yaratdığı “Aprel döyüşlərinin qəhrəmanları”, “Sosial şəbəkələrin müasir həyatda rolu və buradakı davranışlar üçün hüquqi və etik çərçivələrin vacibliyi” videoçarxlarının təqdimat mərasimini keçirib. Aprel döyüşlərində şəhid olmuş döyüşçülərimizin əziz xatirəsi bir dəqiqəlik sükutla yad edilib.

31 oktyabrda Milli Qeyri-Hökumət Təşkilatları Forumunun Bakı QHT Resurs və Təlim Mərkəzində keçirilən tədbiri açan “Vətəndaş cəmiyyəti” jurnalının baş redaktoru Səfər Alışarlı məruzəsində deyib ki, təşkilat bu videoçarxlar vasitəsilə cəmiyyət üçün aktual mövzuları bir daha gündəmə gətirib. S.Alışarlı Azərbaycanın işğal altında olan torpaqlarını hər an azad etmək qüdrətində olan Silahlı Qüvvələrimiz haqqında danışaraq bildirib ki, düşmənlərimiz gec-tez bu qüdrəti etiraf edərək sülh danışıqlarında konstruktiv mövqe tutmağa məcbur olacaqlar. O bildirib ki, Azərbaycan inkişaf edir, regiondakı bütün beynəlxalq layihələrə qoşulur və bu, işğalçı Ermənistanın iqtisadi inteqrasiyadan təcrid edilməsinə gətirib çıxarır.

S.Alışarlı qeyd edib ki, Aprel döyüşləri Azərbaycan əhalisinin qəlbindən məğlubiyyət sindromunu birdəfəlik sildi, xalqımızın öz gücünə inamına ciddi təkan verdi. Düşmənlərimizin qətiyyən arzulamadığı və indiyədək heç zaman imkan vermək istəmədiyi bu qələbənin baş memarı Ali Baş Komandan və ordumuzun qurucusu İlham Əliyevdir. Düşmən təxribatlarına cavab olaraq bir sıra hərbi əməliyyatlar həyata keçirən Azərbaycan Ordusu bu döyüşlərdə nəyə qadir olduğunu bütün dünyaya göstərdi. Videoçarxın məqsədi ordumuzun yenilməzliyini göstərmək və gənc nəslin vətənpərvərlik ruhuna müsbət impulslar verməkdir.

Məruzəçi sosial şəbəkələrlə bağlı hazırlanmış videoçarxa da diqqət çəkərək bildirib ki, bu gün bütün dünyanın çox sevdiyi, eləcə də uşaqlara görə müəyyən narahatlıq hissi keçirdiyi sosial şəbəkələrdə virtual şiddət əvvəlki illərə nisbətən azalmaq tendensiyasına malikdir. Bu tendensiyada maarifləndirmə işinin vacibliyini önə çəkən S.Alışarlı QHT-lərin bu yönlü fəaliyyətini yüksək dəyərləndirib.

Tədbirdə çıxış edən QHT rəhbərləri Nailə İsmayılova, Gülnarə Hüseynova, Şəhla Qarayeva, Cəsarət Hüseynzadə, Faina Hənifəyeva, Fatimə Hacıbəyli, Radə Abbas, eləcə də media təmsilçiləri və yazarlar Günel Xəzəl, İlham Qəhrəman, Adilə Nəzər, Qəzənfər Əhmədov, Aynur Azəri, Xeyrulla Ağayev və başqaları videoçarxlar haqqında öz fikirlərini bölüşüblər.

“Vətəndaş Tribunası” İctimai Birliyinin sədri Şəhla Xəlilova ciddi müzakirələrə görə tədbir iştirakçılarına təşəkkür edib.


Kateqoriya : CƏMİYYƏT Baxış sayı : 1177

QHT və MEDİA

2020-04-07 08:30:37

QHT və MEDİA
İctimai Qərargah ictimai sektorun poten...
İctimai Qərargah ictimai sektorun poten...

"Ümid edirəm ki, Şuranın təşkil etdiyi İctimai Qərargah #koronavirusla effekt...

2020-04-06 18:20:43

QHT və MEDİA
“Ruhlar şəhəri”ndən ruhlar planetinə...
“Ruhlar şəhəri”ndən ruhlar planetinə...

Ermənistan Ağdamı da işğal etdi və Şuşa kimi, Laçın, Kəlbəcər, Füzuli, Cəbray...

CƏMİYYƏT

2020-04-01 15:10:10

CƏMİYYƏT
31 mart 1918-ci il Bakı hadisələri bir i...
31 mart 1918-ci il Bakı hadisələri bir i...

XX əsr tariximizin ən ağrılı, ən qanlı, ən faciəli məqamı - xalqımızın və əra...

2020-03-30 14:00:00

CƏMİYYƏT
Milli həmrəyliyimiz, məsuliyyətli davran...
Milli həmrəyliyimiz, məsuliyyətli davran...

Bu barədə QHT.az-a Sosial Rifah və Tədqiqatlar İctimai Birliyinin sədri Əkrəm...

İQTİSADİ

2020-04-07 18:15:52

İQTİSADİ
Sahil Babayev: Fərdi sahibkarlar üçün DS...
Sahil Babayev: Fərdi sahibkarlar üçün DS...

Əmək və Əhalinin Sosial Müdafiəsi Nazirliyi İqtisadiyyat Nazirliyi ilə birlik...

2020-04-05 17:25:14

İQTİSADİ
Sahibkarlıqla bağlı Koordinasiya Şurası ...
Sahibkarlıqla bağlı Koordinasiya Şurası ...

Ölkədə sahibkarlıq fəaliyyətini (o cümlədən kiçik və orta sahibkarlığı) dəstə...