MƏDƏNİ
A- A A+

Əli bəy Hüseynzadə ilə bağlı sərgi-təqdimat keçirildi

2017-06-10 08:25:39

.

Bakıda Azərbaycan ədəbi-ictimai fikrinin parlaq nümayəndəsi, görkəmli türkoloq və yazıçı-publisist Əli bəy Hüseynzadənin sənət əsərləri, foto-sənədli arxiv və şəxsi əşyalarından ibarət sərgi-təqdimat keçirilib.
 
APA-nın məlumatına görə, təqdimatda İstanbuldan gətirilən 161 əsərdən seçilmiş Əli bəy Hüseynzadənin övladları Səlim Turan və Feyzavər Alpsarın yaratdığı bir sıra sənət əsərləri, Əli bəy Hüseynzadənin həyatının müxtəlif anlarını əks etdirən fotoşəkillər, şəxsi əşyaları nümayiş olunub. 37 təsviri sənət əsəri, 48 fotoşəkil, 53 şəxsi əşya, 22 orden, medal və nişanlar, eləcə də ipək üzərində çap olunmuş “Həyat” qəzeti Azərbaycana hədiyyə olunub.
Tədbirdə çıxış edən mədəniyyət və turizm naziri Əbülfəs Qarayev bildirib ki, Azərbaycan muzeylərinə ilk dəfə belə dəyərli əşyalardan ibarət kolleksiyanın hədiyyə olunması çox əhəmiyyətli hadisədir: “Mən çox şadam ki, bu sərgi Bakıda açıldı. Türkiyə və Azərbaycanın mədəni həyatı üçün böyük hadisədir. Bu, bir daha sübut edir ki, hər iki ölkənin bütün sahələrdə olduğu kimi, mədəniyyət sahəsindəki əlaqələri də ən yüksək səviyyədədir. Azərbaycan dövləti və xalqı Əli bəy Hüseynzadə şəxsiyyətini, onun zəngin irsini yüksək qiymətləndirir. Bu mənada Azərbaycan Respublikasının prezidenti İlham Əliyev tərəfindən 2014-cü il yanvarın 21-də görkəmli ictimai xadim Əli bəy Hüseynzadənin 150 illik yubileyinin keçirilməsi barədə və bu ilin 16 may tarixində Azərbaycan Xalq Cümhuriyyətinin 100 illik yubileyi haqqında verilən sərəncamları xüsusi qeyd etmək lazımdır. Əli bəy Hüseynzadənin əsərləri türk dünyası üçün böyük xəzinədir. O, öz dövründə baş verən bütün hadisələrin fəal iştirakçısı idi. Belə şəxsiyyətlər dünyaya nadir hallarda gəlir. Onun bütün yaradıcılığı, fəaliyyəti bizim tarixin şərəfli səhifələrindən biridir. Əli bəy Hüseynzadənin mənəvi irsi Azərbaycan və Türkiyə arasındakı mənəvi körpüdür”.
 Türkiyənin Azərbaycandakı səfiri Erkan Özoral bildirib ki, Əli bəy Hüseynzadə həm Azərbaycanın, həm də Türkiyənin ən böyük şəxsiyyətlərindən biridir: “Hər iki dövlətin tarixini yazarkən onun fəaliyyətini nəzərə almamaq mümkün deyil. O, Türkiyənin həyatında böyük rol oynayıb. Cümhuriyyətin qurulmasında böyük xidmətləri var. Atatürkün ən sevdiyi şəxsiyyətlərdən biri olub. Əli bəyin türk millətinin qəlbində tamam başqa bir yeri var. Ona görə də onun haqq etdiyi yeri, qiyməti verməyə çalışırıq. Onun şəxsi əşyalarının Türkiyədən Azərbaycana gətirilməsi keçmişimizə sahib çıxmağımız baxımından böyük hadisədir. Biz kim olduğumuzu Əli bəy Hüseynzadə və onun kimilərin sayəsində öyrənirik. Bu sərginin təşkil olunmasında əməyi keçən hər kəsə təşəkkür edirəm".
 Milli Azərbaycan Tarixi Muzeyinin direktoru Nailə Vəlixanlı, Türk Mədəniyyəti və İrsi Fondunun prezidenti Günay Əfəndiyeva, Feyzavər xanımın ailə dostu İbrahim Yıldırım Əli bəy Hüseynzadənin həyat və fəaliyyətindən danışıb, onu böyük alim, görkəmli türkoloq kimi dəyərləndiriblər. 

     

 

 


Kateqoriya : MƏDƏNİ Baxış sayı : 449

QHT və MEDİA

2018-12-15 10:20:56

QHT və MEDİA
QHT hesabat-seçki toplantısı keçirib...
QHT hesabat-seçki toplantısı keçirib...

Yığıncağı Birliyin Qadınlar Şurasının sədri, Ümumi Yığıncağa hazırlıq məqsədi...

2018-12-14 10:20:57

QHT və MEDİA
Ukraynada Azərbaycanla bağlı beyin mərkə...
Ukraynada Azərbaycanla bağlı beyin mərkə...

Azərbaycanın Ukraynadakı səfirliyindən AZƏRTAC-a bildiriblər ki, bu günlərdə ...

CƏMİYYƏT

2018-12-14 19:20:47

CƏMİYYƏT
Leyla Əliyevanın bir qrup rusiyalı qadın...
Leyla Əliyevanın bir qrup rusiyalı qadın...

Bu yaxınlarda Heydər Əliyev Fondunun vitse-prezidenti Leyla Əliyevanın ünvanı...

2018-12-08 11:05:14

CƏMİYYƏT
Azərbaycan Parlamenti necə yarandı
Azərbaycan Parlamenti necə yarandı

2018-ci il dekabr ayının 7-də Azərbaycanda parlamentarizmin tarixində əlamət...

İQTİSADİ

2018-12-12 08:45:08

İQTİSADİ
"Novo Nordisk" Dağlıq Qarabağ ərazisində...
"Novo Nordisk" Dağlıq Qarabağ ərazisində...

Danimarkanın dərman preparatları istehsalçısı olan "Novo Nordisk" şirkəti tər...

2018-12-06 18:25:31

İQTİSADİ
SOCAR modernləşmə proqramı üçün “Honeywe...
SOCAR modernləşmə proqramı üçün “Honeywe...

SOCAR Heydər Əliyev adına Neft Emalı Zavodunun modernizasiyası prosesində yük...