TƏDQİQATLAR
A- A A+

Soyqırımları zamanı Azərbaycanın məruz qaldığı itkilər dəqiqləşdiriləcək

2017-05-20 10:35:26

.

Azərbaycan Milli Elmlər Akademiyasının (AMEA) Tarix İnstitutunda keçirilən elmi şuranın iclasında bu elmi müəssisənin direktoru, akademik Yaqub Mahmudov tarixçi alimlərə Prezident İlham Əliyevin 2017-ci il 16 may tarixli “Azərbaycan Xalq Cümhuriyyətinin 100 illik yubileyi haqqında” Sərəncamından irəli gələn vəzifələr barədə ətraflı məlumat verib.

Tarix İnstitutundan AZƏRTAC-a bildiriblər ki, Y.Mahmudov sənədin Azərbaycan tarix elmində yeni araşdırmalara yol açacağını vurğulayıb. O deyib: “Tarix İnstitutunda Azərbaycan Xalq Cümhuriyyətinin (AXC) tarixi ilə bağlı yeni elmi araşdırmalar aparılacaq. Rayonlarımızda cümhuriyyətin tarixi ilə bağlı institutun elmi şurasının xüsusi iclasları təşkil ediləcək”.

İclasda AXC-nin Sovet Rusiyası, Osmanlı Türkiyəsi ilə münasibətlərinin tarixinin daha dərindən araşdırılması və cümhuriyyətin tarixi ilə bağlı yeni tədqiqat işlərinin – namizədlik və doktorluq dissertasiyalarının yazılması məsələləri müzakirə edilib. Diqqətə çatdırılıb ki, AXC-nin tarixi ilə bağlı Türkiyə, Ukrayna və Polşadakı sənədlərin araşdırılması və nəşri vacibdir.

Elmi şuranın qərarına əsasən, 1918-1920-ci illər soyqırımları zamanı Azərbaycanın məruz qaldığı itki və tələfatlar dəqiqləşdiriləcək.

Y.Mahmudov bildirib ki, 2018-ci ildə rəhbərlik etdiyi elmi müəssisə tərəfindən AXC-nin 100 illik yubileyi ilə bağlı “Elmi əsərlər”inin xüsusi buraxılışı çap olunacaq. “Tarixi şəxsiyyətlərimizə sahib çıxaq” layihəsi çərçivəsində Azərbaycanın orta məktəblərində keçirilmiş konfransları xatırladan akademik məktəblərlə əməkdaşlığın gücləndirilməsinin vacibliyini vurğulayıb. O deyib: “Antiazərbaycan nəşrlərində və informasiya məkanında ölkəmizin əleyhinə sistemli iş gedir”.

İclasda, həmçinin internet resurslarında, o cümlədən Vikipediyada Azərbaycan tarixi, tarixi şəxsiyyətləri barədə məqalələrin sayının çoxaldılması və keyfiyyətinin artırılması istiqamətində müzakirələr aparılıb.

 

 

 

 


Kateqoriya : TƏDQİQATLAR Baxış sayı : 781

QHT və MEDİA

2020-03-29 18:55:57

QHT və MEDİA
Səfir: Saxta “erməni soyqırımı” mövzusun...
Səfir: Saxta “erməni soyqırımı” mövzusun...

Erməni millətçi dairələrinin Azərbaycan xalqına qarşı törətdikləri soyqırımı ...

2020-03-29 09:30:18

QHT və MEDİA
Azərbaycan Respublikasının Birinci vitse...
Azərbaycan Respublikasının Birinci vitse...

Azərbaycan Respublikasının Birinci vitse-prezidenti Mehriban Əliyeva rəsmi “I...

CƏMİYYƏT

2020-03-21 10:05:33

CƏMİYYƏT
TRT Hacı Zeynalabdin Tağıyevə həsr edilm...
TRT Hacı Zeynalabdin Tağıyevə həsr edilm...

Türkiyənin “TRT AVAZ” televiziya kanalında yayımlanan “Köklərin izində” sənəd...

2020-03-19 10:20:52

CƏMİYYƏT
Azərbaycan musiqi tarixinin korifeyi
Azərbaycan musiqi tarixinin korifeyi

Ömrünü xalq musiqisinin təbliğinə həsr edənləri xalq heç vaxt yaddan çıxarmır...

İQTİSADİ

2020-03-23 12:10:28

İQTİSADİ
Könül Nurullayeva: Azərbaycan Prezidenti...
Könül Nurullayeva: Azərbaycan Prezidenti...

Fevralın 9-da Milli Məclisə keçirilən seçkilər Azərbaycanda demokratik dəyərl...

2020-03-17 11:00:35

İQTİSADİ
Hazırkı vəziyyət Rəqabət Məcəlləsinin qə...
Hazırkı vəziyyət Rəqabət Məcəlləsinin qə...

Artıq iqtisadi strukturlarda baş verən dəyişikliklər Rəqabət Məcəlləsinə qəbu...