SİYASƏT
A- A A+

Tbilisidə keçirilən beynəlxalq konfransda ermənilərin pozuculuq fəaliyyətinin qarşısı alınıb

2017-05-12 09:15:42

Kütləvi informasiya vasitələrinin Tbilisidə keçirilən 14-cü Cənubi Qafqaz beynəlxalq konfransında ermənilərin pozuculuq fəaliyyətinin qarşısı alınıb

KİV-in “Saxta xəbərlər, dezinformasiya və təbliğat mövzusunda Tbilisidə keçirilən 14-cü Cənubi Qafqaz beynəlxalq konfransında Azərbaycan nümayəndə heyəti dezinformasiya, təbliğat və söz azadlığından sui-istifadə hallarına qarşı ölkəmizdə görülən işlər barədə məlumat verib. Bildirilib ki, Azərbaycana qarşı bəzi KİV-lər, xüsusən də Qərb ölkələrinin erməni lobbisi ilə əlaqəli olan media orqanları tərəfindən məqsədyönlü şəkildə əks-təbliğat, dezinformasiya və qarayaxma kampaniyaları həyata keçirilir. Ölkəmizdə mötəbər tədbirlərin keçirildiyi vaxtlarda bu, daha kəskin xarakter alır.

Bu zaman ermənilər Azərbaycan nümayəndə heyətinin çıxışına mane olmağa çalışıblar.

Konfransda iştirak edən Azərbaycan Respublikası Xarici İşlər Nazirliyinin mətbuat xidmətinin rəhbəri Hikmət Hacıyev jurnalistlərə müsahibəsində deyib ki, Ermənistan nümayəndə heyəti qeyri-konstruktiv, qeyri-etik davranışları ilə Azərbaycan nümayəndə heyətinin üzvlərinin çıxışlarına mane olmağa, konfransın işini dayandırmağa çalışıblar. Lakin digər nümayəndələr ermənilərin heç bir hüquqi əsasa, etik normalara sığımayan çıxışlarına etiraz ediblər və konfrans öz işini davam etdirib.

Digər maraqlı hadisə konfransın yekun, tövsiyə xarakterli sənədinin qəbulu zamanı baş verib.

Azərbaycan nümayəndə heyəti beynəlxalq media qurumlarının, eləcə də xarici ölkələrin jurnalistlərinin başqa dövlətlərin ərazisinə keçərkən həmin dövlətlərin ərazi bütövlüyünə, suverenliyinə, akkreditasiya qaydalarına və beynəlxalq hüququn norma və prinsiplərinə riayət etmələrinin vacibliyini vurğulayıb və bunun sənəddə əksini tapmasını təklif ediblər. Bu qərarın işğal altında olan ərazilərdə xüsusi nəzərə alınmasının vacibliyini qeyd olunub.

H.Hacıyevin sözlərinə görə, ermənilər bu məsələyə də kobud müdaxilə etməyə çalışıblar. Lakin yenə də onların cəhdləri boşa çıxıb və tədbir iştirakçıları Azərbaycan nümayəndə heyətinin mövqeyini müdafiə edib, ermənilərə kəskin etirazlarını bildiriblər.

Qeyd edək ki, ATƏT-in Media Azadlığı üzrə Bürosu tərəfindən təşkil olunan tədbirdə ölkəmizi Azərbaycan Respublikası Prezidenti Administrasiyasının ictimai-siyasi məsələlər şöbəsinin baş məsləhətçisi Kamran Həsənov, Xarici İşlər Nazirliyinin mətbuat xidmətinin rəhbəri Hikmət Hacıyev, Orta Asiya və Güney Qafqaz Söz Azadlığı Şəbəkəsinin rəhbəri Azər Həsrət, Azərbaycan Jurnalistlər Şəbəkəsi İctimai Birliyinin sədri Ayaz Mirzəyev və digərləri təmsil ediblər.

 Konfransda Cənubi Qafqazda və Avropa ölkələrində KİV-in vəziyyəti, söz, mətbuat azadlığı, dezinformasiyaların yaratdığı təhlükələr, təbliğatın düzgün təşkili, yeni texnologiyalardan istifadə, jurnalistlərin təhlükəsizliyi, bu sahədə qanunvericilik, qabaqcıl beynəlxalq təcrübənin öyrənilməsi, tətbiqi və s. məsələlər müzakirə olunub.(Azərtac)


Kateqoriya : SİYASƏT Baxış sayı : 475

QHT və MEDİA

2019-01-21 16:05:30

QHT və MEDİA
20 Yanvar hadisələri Braziliya mətbuatın...
20 Yanvar hadisələri Braziliya mətbuatın...

Qanlı 20 Yanvar hadisələrinin 29-cu ildönümü ilə bağlı Braziliyada fəaliyyət ...

2019-01-20 11:55:08

QHT və MEDİA
Mübariz Qurbanlı: 20 Yanvar xalqımızın y...
Mübariz Qurbanlı: 20 Yanvar xalqımızın y...

Bu sözləri Dini Qurumlarla İş üzrə Dövlət Komitəsinin sədri Mübariz Qurbanlı ...

CƏMİYYƏT

2019-01-21 09:05:07

CƏMİYYƏT
Azərbaycanın ABŞ-dakı səfiri “The Washin...
Azərbaycanın ABŞ-dakı səfiri “The Washin...

Bu barədə Azərbaycanın ABŞ-dakı səfiri Elin Süleymanovun “The Washington Time...

2019-01-18 22:05:32

CƏMİYYƏT
Azərbaycan Respublikasının Birinci vitse...
Azərbaycan Respublikasının Birinci vitse...

Bəstəkarlar İttifaqı Mehriban Əliyevaya Azərbaycan mədəniyyətinin inkişafında...

İQTİSADİ

2019-01-15 10:05:29

İQTİSADİ
Dağlıq Qarabağ münaqişəsi həll edilmədən...
Dağlıq Qarabağ münaqişəsi həll edilmədən...

İslam Əməkdaşlıq Təşkilatına daxil olan ölkələrin regiona və Ermənistan-Azərb...

2019-01-14 20:25:40

İQTİSADİ
Müdafiə Sənayesi Nazirliyinin əsasında “...
Müdafiə Sənayesi Nazirliyinin əsasında “...

Fərmana əsasən, ölkədə dövlət idarəetmə strukturunu optimallaşdırmaq, müdafiə...