İQTİSADİ
A- A A+

Corciya Universitetində Azərbaycanın qlobal enerji təhlükəsizliyinə töhfəsi müzakirə olunub

2016-04-12 10:10:27

Beynəlxalq tədbir

ABŞ-ın aparıcı və tanınmış təhsil ocaqlarından olan Corciya Texnologiya (Georgia Tech) Universitetinin Səm Nan Beynəlxalq Əlaqələr İnstitutunda "Avropa və Avrasiyada dəyişən enerji landşaftı: Yeni təhdid və imkanlar" adlı konfrans keçirilib.

Konfransda əsas məruzəçi qismində çıxış edən ABŞ-dakı səfirimiz Elin Süleymanov dünya enerji xəritəsində yer alan ilk ölkələrdən biri kimi müstəqillik illərində Azərbaycanın bu sahədə əhəmiyyətli rolundan danışıb. O, Azərbaycan müstəqilliyini bərpa etdikdən bir neçə il sonra ümummilli lider Heydər Əliyevin qətiyyəti və uzaqgörənliyi sayəsində gündəmə gətirilmiş və reallığa çevrilmiş Bakı-Tbilisi-Ceyhan neft və Bakı-Tbilisi-Ərzurum qaz boru kəmərlərinin Xəzər dənizi hövzəsi ilə Aralıq dənizi arasında körpü yaradaraq dünya enerji xəritəsini dəyişdiyini və bundan əlavə, Azərbaycan, Türkiyə və Gürcüstan arasında könüllü və olduqca uğurlu tərəfdaşlığın başlanğıcı olduğunu deyib.

Diplomat bildirib ki, bu tərəfdaşlığın davamı Avropa enerji təhlükəsizliyinin təmin olunmasında olduqca vacib rol oynayacaq 45 milyard ABŞ dolları dəyərində olan irimiqyaslı “Cənub Qaz Dəhlizi” layihəsinin yerinə yetirilməsində də öz əksini tapıb. “Cənub Qaz Dəhlizi”nin vacib hissəsi olan Trans-Anadolu qaz boru kəməri (TANAP) layihəsi üzrə razılaşma məhz Azərbaycan və Türkiyə rəhbərliyinin şəxsi təşəbbüsü və liderliyi sayəsində mümkün olub.

Səfir, həmçinin “Cənub Qaz Dəhlizi”nin önəmini, onun Avropa coğrafiyasını dəyişdiyini vurğulayıb və hazırda bu layihənin həyata keçirilməsi üzrə daha ətraflı məlumatı konfrans iştirakçılarına təqdim edib.

E.Süleymanov Bakı-Tbilisi-Qars dəmir yolu xətti və Yeni İpək Yolu, eləcə də Azərbaycanda bununla bağlı irimiqyaslı infrastruktur tikintisi barədə də məlumat verib.

Səfir Dağlıq Qarabağda qoşunların təmas xəttində bir neçə gün əvvəl baş vermiş gərginlikdən danışaraq, Ermənistan tərəfinin cəbhədə bu təxribatının məhz Azərbaycan Prezidenti İlham Əliyevin ABŞ-da olduğu uğurlu səfərdən qayıdarkən həyata keçirməsinin heç də təsadüfi olmadığını, rəsmi Yerevanın dəfələrlə belə addıma əl atmasını bildirib. Diplomat qeyd edib ki, həll olunmamış bu münaqişə bütün regionun sülh və sabitliyini böyük təhlükə altında saxlayır və eyni zamanda, Ermənistanı da regionun normal üzvü kimi inteqrasiya etməkdən məhrum edir. Bunun üçün isə Azərbaycan torpaqlarının işğalına son qoyulmalıdır.

Çıxışından sonra səfir iştirakçıların suallarını cavablandırıb.

Konfransda iştirak edən Atlantik Şurası Analitik Mərkəzindən Bad Kut (Bud Coote), “Chevron” şirkətinin beynəlxalq hökumət əlaqələri meneceri Cey Tompson (Jay Thompson), Səm Nan Beynəlxalq Əlaqələr İnstitutunun professorları Adam Stalberq (Adam Stulberg) və Alasdayr Yanq (Alasdair Young) dünya enerji bazarında Azərbaycanın rolunu müzakirə ediblər. Müzakirələr zamanı Bakı-Tbilisi-Ceyhan neft boru kəmərinin dünyada enerji təhlükəsizliyi baxımından nümunəvi layihə olduğu vurğulanıb. 

E.Süleymanov, həmçinin Amerika Yəhudi Komitəsinin üzvləri ilə görüşüb. Görüş zamanı o, Azərbaycanın regionda rolu və ölkəmizdə mövcud olan tolerantlığın çoxəsrlik ənənəsindən danışıb. (AZƏRTAC)


Kateqoriya : İQTİSADİ Baxış sayı : 755

QHT və MEDİA

2018-11-19 11:25:51

QHT və MEDİA
Azay Quliyev QHT-lər üçün ictimai dinləm...
Azay Quliyev QHT-lər üçün ictimai dinləm...

Azərbaycan Respublikasının Prezidenti yanında Qeyri-Hökumət Təşkilatlarına Dö...

2018-11-15 17:30:34

QHT və MEDİA
Şura 2019-cu il üçün 1-ci qrant müsabiqə...
Şura 2019-cu il üçün 1-ci qrant müsabiqə...

Fact-info.az xəbər verir ki, Prezident yanında Qeyri-Hökumət Təşkilatlarına ...

CƏMİYYƏT

2018-11-19 18:35:16

CƏMİYYƏT
Ramiz Mehdiyevin “Qriqorian kilsəsi Səfə...
Ramiz Mehdiyevin “Qriqorian kilsəsi Səfə...

Azərbaycan tarixinin, onun dövlətçiliyinin təşəkkülünün, Ermənistan-Azərbayca...

2018-11-16 10:00:50

CƏMİYYƏT
Böyük Azərbaycan şairi İmadəddin Nəsimin...
Böyük Azərbaycan şairi İmadəddin Nəsimin...

Fact-info.az xəbər verir ki, Sərəncama əsasən, İmadəddin Nəsiminin 650 illik...

İQTİSADİ

2018-11-15 20:40:33

İQTİSADİ
SOCAR-ın Heydər Əliyev adına Neft Emalı ...
SOCAR-ın Heydər Əliyev adına Neft Emalı ...

Fact-info/az-a daxil olan məlumata görə, Dizelin Hidrotəmizlənməsi Qurğusu...

2018-11-11 10:00:35

İQTİSADİ
Bakı-Tbilisi-Qars dəmir yolu Naxçıvana q...
Bakı-Tbilisi-Qars dəmir yolu Naxçıvana q...

Bu barədə Trend-ə Türkiyənin Azərbaycandakı səfiri Erkan Özoral deyib. Səfiri...