2022-06-08 09:25:48 | AKTUAL
Azərbaycanlı inşaatçılar uzunmüddətli erməni işğalından sonra Şuşanın küçələrini dirçəldirlər - "Reuters"in reportajı

Azərbaycanlı inşaatçılar uzun müddət davam etmiş erməni işğalından sonra Şuşanın küçələrini dirçəldirlər. Trend-in məlumatına görə, bu barədə "Reuters"in materialında deyilir.

Məqalədə qeyd olunur ki, vaxtilə Şuşa ətrafındakı ərazilər meşəlik təpələrə və mülayim iqlimə görə “Azərbaycanın İsveçrəsi” kimi tanınırdı.

Materialda qeyd olunduğu kimi, erməni işğalı zamanı dağıdılmış şəhər azad edildikdən sonra indi azərbaycanlı inşaatçılar onun küçələrini tədricən dirçəldirlər.

Bildirilir ki, yerli şuranın, polis idarəsinin və baş poçt idarəsinin binaları bərpa olunub, Gövhər ağa məscidinin ətrafında bərpa işləri aparılır.

"Üç hotelin tikintisi Azərbaycan hakimiyyətinə illik Bakı Enerji Həftəsi konfransının keçirilməsi üçün Şuşanı seçməyə imkan verdi. Bu konfrans zamanı məlum oldu ki, BƏƏ-nin “Masdar” şirkəti Azərbaycan üçün 4 giqavatt elektrik enerjisi istehsal edəcək günəş və külək elektrik stansiyaları tikəcək", - məqalədə qeyd olunur.

Müəllif vurğulayır ki, hazırda şəhərdə üç supermarket fəaliyyət göstərir və həftədə beş dəfə avtobuslar Şuşaya Bakıdan yerli turistləri və işçiləri gətirir.

“Mən Şuşaya gələndə burada hər şey dağılmışdı”, - “Azərişıq” ASC-nin əməkdaşı Elxan Quliyev agentliyə bildirib.

Onun sözlərinə görə, ötən müddət ərzində şəhərin bərpası istiqamətində xeyli işlər görülüb.

"İşıq və su verilib, müvafiq infrastruktur bərpa olunub. İndi bura çoxlu turistlər və tələbələr gəlir", - E.Quliyev bildirib.

Öz növbəsində, gənc yaşlarında Şuşanı tərk etməyə məcbur olmuş Cahid Ələkbərov hazırda burada inşaatçı işləyir.

“Mən şəhəri bərpa edən şirkətdə işləyirəm”, - deyə o bildirib.

İndi Cahid Ələkbərovun 56 yaşı var və o, keçmiş sakinlərin doğma Şuşaya qayıdacaqları günü səbirsizliklə gözləyir.

Baxış sayı : 189
Azərbaycan QHT-ləri beynəlxalq təşkilatlara müraciət edib Laçın şəhərinə daxil olmadan yeni avtomobil yolunun tikintisi yekunlaşıb Şuşanın Yuxarı Gövhərağa məscidində erməni vandalizmini əks etdirən sənədli film çəkilir Ukraynada öldürülən rus hərbçilərin sayı 44 minə ÇATIR Fatma Yıldırım: Bu gün diktə edən tərəf qalib Azərbaycandır Azərbaycan və Türkiyə hərbçiləri birgə təlim keçir Şəhidlərin xatirəsinə həsr olunan anım mərasimləri keçirilib Fazil Mustafa: Prezident İlham Əliyevin son açıqlamaları tarixi-strateji əhəmiyyətə malikdir Zaur Məmmədov: Prezident İlham Əliyev müsahibəsində regiondakı proseslərə müdaxilə etmək istəyənlərə çox vacib mesajlar verdi Ərdoğan: “Türkiyə özünü əsas silah istehsalçısı və təchizatçısı kimi təsdiqləyib” Britaniyadakı Azərbaycan icması “Mehdinin Xidmətçiləri Birliyi”nin terrorçu təşkilat kimi tanınmasını tələb edir Şuşa ... Tarixi sükut nələr danışır - Solmaz Rüstəmova-Tohidi yazır Prezident İlham Əliyev AzTV-yə müsahibə verib "Azad edilmiş ərazilərdə kənd təsərrüfatı üçün çox münbit təbii şərait var" - Prezident Şuşa ilə bağlı yeni layihənin icrasına başlanılıb Azərbaycan Ordusu Buzdux və digər hakim yüksəkliklərdə mühəndis işləri görür Ukraynanın yenidən qurulması üçün beynəlxalq konfrans keçiriləcək "Tarix yazan oğullar" və "Qarabağın fatehləri" kitablarının təqdimatı keçirilib Laçın dəhlizi ətrafında yaranmış vəziyyət Üçtərəfli Bəyanatın 6-cı bəndi əsasında nizamlanmalıdır Rusiya ordusu bu qədər itki verib İşğaldan azad edilmiş ərazilərdə 42 abidə pasportlaşdırılıb “Ermənistan öhdəliklərinə zidd fəaliyyət göstərir və sülhə maneə törədir” - Ceyhun Bayramov Rafiq Quliyev: “Səsləndirilmiş fikirlərdən təşkilatçılar nəticə çıxarmalıdırlar” Agentlik QHT-lərlə online görüş keçirib