2020-12-21 13:50:52 | CƏMİYYƏT
Postmüharibə dövrünün tələbləri

Bu gün dünyada Azərbaycanın haqlı, ədalətli qələbəsini həzm edə bilməyən qüvvələr var. Bunlar yalnız erməni lobbisi və onların havadarları deyil. Müşahidələrimiz göstərir ki, regionda marağı olan bəzi qüvvələr fürsət düşən kimi erməni kartından istifadə etməyi düşünürlər.

Digər tərəfdən gözə görünən və görünməyən qüvvələrin Cənubi Qafqaz və başqa ərazilərdəki enerji resurslarının zəngin olduğu məkanlar hədəflərindədir. Onları regionda möhkəm sülh-sabitlikdən daha çox iqtisadi-siyasi maraqları, regiona təsir imkanlarının qalması düşündürür. Şübhəsiz ki, həmin beynəlxalq dairələrə haylar və ümumilkdə Ermənistan bir alət kimi lazımdır. İstənilən məqamda bu alətdən istifadə etmək həmin qüvvələrin istəyində olub, gələcəkdə də olacaq.

Tək regional dövlətlərin deyil, həmçinin Qərbin Cənubi Qafqazda iqtisadi-siyasi maraqlarının olması təbii haldır. Əslində bu vaxta qədər bu maraqlar qorunaraq nəhəng enerji layihələrinin gerçəkləşməsi nəticəsində təmin edilmişdi. Geosiyasi proseslərə nəzər salsaq görərik ki, belə əməkdaşlığın davam edib-etməməsi həmin ölkələrin davranışından çox asılı olacaq.

Bu gün isə ölkəmizin strateji maraqlarının təmin edilməsi, postmüharibə dövründə ortalığa çıxa biləcək təzyiqlərin dəf edilməsi kontektistində yeni reallıq yaranıb. Çox müsbət haldır ki, xarici diplomatların münaqişənin həlli ilə bağlı imitasiya xarakterli sülh nəğməsinə son qoyulub. Lakin onların fikirlərində, təmsil olunduğu parlament qətnamələrində saxta erməni sevgisini görmək məcburiyyətdə qalırıq.

Artıq ermənipərəst mövqeydən çıxış edən qüvvələr mövcud reallığı dərk edib Cənubi Qafqazda yaranan sabitliyə mane olmamalıdırlar. Ermənipərəst mövqeydən çıxış edib sərsəm parlament qərarları çıxarmaq sülhə, sabitliyə təhlükə olmaqla bərabər Azərbaycanın nəhəng enerji layihələrində həmin ölkələrin iştirakına əngəl yaradacaq..

Təbii ki, bu gün bizi düşündürən postmüharibə dövründə effektli fəaliyyətimiz olmalıdır. Ədalətli sülhü Ali Baş Komandanın rəhbərliyi altında Azərbaycan Ordusu regiona gətirib. Biz cəmiyyət olaraq, dövlət olaraq bu ədalətli sülhü qoruyaraq postmüharibə dövrünə hazır olmalıyıq. Mən əvvəlki yazılarımda da bu məqamı qeyd etmişdim Tarixi ədalətin bütün dünya tərəfindən geosiyasi proseslər nəzərə alınaraq qəbul edilməsinə necə nail olmaq əsas hədəflər sırasındadır.

Hazırda media və Vətəndaş Cəmiyyətləri İnstitutları tərəfindən görüləcək işlər daha çoxdur. Yaranmış reallığın şərtlərinə uyğun olaraq informasiya müharibəsi yeni fazaya keçib. Bu savaş intellektual müstəvidə aparılmalıdır. Zamanın çağrışlarına uyğun yeni metodologiyaların tətbiqinə ehtiyac var.

Bu yeni metodologiyalar nədən ibarət olar?

Birincisi, bəzi təbliğat üsullarını korrektə etməliyik. Azərbaycanla bağlı həqiqətləri geniş auditoriyaya çatdırmaq üçün çox mükəmməl innovativ vasitələrin tətbiqi üzərində düşünməliyik.

İkincisi, dövlətə yük olan bəzi çap mətbuatının (bir sıra qəzetlərin) birləşdirilməsi effektli olar. Bunun əvəzində əcnəbi dillərdə geniş fəaliyyət göstərə biləcək yeni media quruluşlarının əhatə dairəsinin genişlənməsi zəruridir. Ümumiyyətlə, media sisteminin təmərküzləşməsinə, bu sahədə islahatların aparılmasına ehtiyac var.

Üçüncüsü, intellektual informasiya müstəvisinə keçməliyik. Bu geniş mövzudur. Ancaq onu qısaca belə ifadə etmək olar ki, Azərbaycan ərazisində mövcud olan xristian abidələri haqqında səthi mülahizələr deyil, yalnız tarixi faktlara söykənən elmi mülahizə söyləyə biləcək şəxs danışmalıdır. Azərbaycana məxsus bu xristian abidələrinin mükəmməl tədqiqinə və beynəlxalq auditoriyaya çatdırımasına ehtiyac var. Bunu nümunə üçün qeyd etdim. Belə nümunələrin sayını artırmaq olar. Digər tərəfdən faktın peşəkar səviyyədə informasiyaya çevrilməsi zərurəti var.

Dördüncüsü, Vətəndaş Cəmiyyəti İnstitutlarının maliyyə çevrəsini genişləndirməklə beyin mərkəzlərinin fəaliyyətinə dəstəyi artırmaq lazımdır. Bəzən oturuşmuş analitik beyin mərkəzlərinin fəaliyyətinə ehtiyac hiss olunur. Təəssüf ki, bu sahədə müəyyən boşluqlar var. Bunun ciddi səbəbləri var. Ümumilikdə postmüharibə dövründə QHT-lərin potensialından düzgün yararlanmaq çox effekt verə bilər.

Nəhayət, işğaldan azad olunmuş şəhər və kəndlərimizin real görüntüləri mühüm informasiya mənbəyidir. Bunu ura halında deyil, yalnız peşəkarların iştirakı ilə sənədli, bədii filmlərə köçürmək olar. Həmçinin Şəhidlərimiz haqqında Zəfər dastanının yazılacağına əminəm. Belə müqəddəs missiyanı sənətə və sənətkarlığa xidmət edəcək şəxslər yerinə yetirəcəksə o zaman urvatlı ədəbiyyat, cəmiyyət qazanacaq.

Əkrəm Bəydəmirli

Baxış sayı : 1472
QHT Agentliyi 2021-ci il kiçik qrant müsabiqəsini elan etdi 2021-12-03 21:00:20 Hərbi qulluqçumuza hücum edən erməni əsilli şəxs zərərsizləşdirilib 2021-12-03 15:05:30 Azərbaycanın minatəmizləmə fəaliyyətlərinə beynəlxalq ictimaiyyət tərəfindən dəstəyin artırılmasına ehtiyac var 2021-12-03 11:50:35 Agentlik QHT Evlərinin yaradılmasını BMT-nin ölkə əlaqələndiricisi ilə müzakirə etdi 2021-12-03 11:35:49 Xalq şairi Ramiz Rövşənin şeirlər kitabı ingilis dilində 2021-12-03 11:10:30 "Ermənistan silahlı qüvvələrini Azərbaycan ərazilərindən tam çıxarmayıb" 2021-12-03 09:35:40 Ermənistanın Azərbaycana məxsus mədəniyyət ocaqlarında törətdiyi dağıntılarla bağlı Hesabat 2021-12-02 19:00:01 Prezident İlham Əliyev Qrant müsabiqəsi ilə bağlı fərman imzaladı 2021-12-02 18:25:41 "UNESCO-nun azad edilmiş ərazilərə faktaraşdırıcı missiya göndərməsini gözləyirik” 2021-12-02 10:40:42 Bakıda 41 küçəyə Vətən müharibəsi şəhidlərinin adı verilib 2021-12-02 10:10:59 Gələn il 45 milyona yaxın insan aclıqla üzləşə bilər - BMT 2021-12-02 09:45:06 Azərbaycan-İran əlaqələrinin tənzimləməsi ilə bağlı əldə olunan müsbət nəticələr Aşqabad Sammitinin ən maraqlı tərəflərindəndir 2021-12-02 09:20:24 Regionda yaranmış yeni geosiyasi vəziyyət Azərbaycanın gələcək inkişafı üçün yol açır - Səfir 2021-12-02 07:10:36 Nursultan Nazarbayev helikopter qəzasına görə Prezident İlham Əliyevə başsağlığı verib 2021-12-01 18:15:35 Türk Dövlətləri Təşkilatı helikopter qəzası ilə əlaqədar Azərbaycan xalqına başsağlığı verib 2021-12-01 10:30:38 “Qalib sərkərdə” adlı kitab çapdan çıxıb 2021-12-01 09:30:53 Laçına suyun verilməsi təmin edilib 2021-12-01 09:10:30 Laçının işğaldan azad edilməsinin ildönümüdür 2021-12-01 08:30:33 Soçidə imzalanmış bəyanatda Azərbaycanın mövqeyi tam olaraq öz əksini tapdı 2021-12-01 07:15:53 Ermənistanın mina xəritələrini Azərbaycana tam verməməsi ciddi problem yaradır 2021-11-30 19:15:30 Prezident İlham Əliyev helikopter qəzasında həlak olanların ailələrinə başsağlığı verib 2021-11-30 19:10:12 BMT məhkəməsi Azərbaycanın iddiası üzrə Ermənistana qarşı qərarını dekabrın 7-də açıqlayacaq 2021-11-30 10:55:54 Kəlbəcərin Qılınclı kəndindən VİDEO 2021-11-30 10:25:03 Aşqabad Sammitindən Zəngəzur dəhlizinə hədəflənmiş mesajlar 2021-11-30 09:45:22