Azərbaycan Respubliksının Prezidenti İlham Əliyevin 27 may 2019-cu il tarixli Sərəncamı ilə Azərbaycan Respublikası Dövlət Neft Şirkətinin birinci vitse-prezidenti, akademik Xoşbəxt Yusifzadə “Azərbaycan Xalq Cümhuriyyətinin 100 illiyi (1918-2018)” yubiley medalı ilə təltif olunmuşdur. İyulun 17-də Azərbaycan Respublikasının Baş naziri Novruz Məmmədov Xoşbəxt Yusifzadəni qəbul etmiş, mükafa layiq görülməsi münasibətilə onu səmimi təbrik etmiş, ölkə Prezidentinin tapşırığı ilə yubiley medalını görkəmli neftçi-alimə təqdim etmişdir. Novruz Məmmədov Xoşbəxt Yusifzadəyə möhkəm cansağlığı arzulamış və əmin olduğunu bildirmişdir ki, o ,respublikanın neft sənayesinin inkişafı üçün bundan sonra da var qüvvəsi ilə çalışacaqdır.
Akademik Xoşbəxt Yusifzadə ölkə neftçilərinə göstərdiyi böyük diqqət və qayğı üçün Prezident İlham Əliyevə dərin minnətdarlığını bildirmişdir. O demişdir ki, Azərbaycan neftçiləri dövlət başçısının tapşırıqlarına bundan sonra da şərəflə əməl edəcək, Azərbaycanın nefti və qazı ilə bağlı möhtəşəm layihələri uğurla həyata keçirəcəklər. Xoşbəxt Yusifzadə onu qəbul etdiyi və yubiley medalını şəxsən təqdim etdiyi üçün hökumət başçısına minnətdarlığını bildirmişdir.
Baxış sayı: 1 896
Recep Tayyip Erdoğan: We will never forget the pain of the Khojaly tragedy
Commemorative event on the 33rd anniversary of the Khojaly genocide held at Presidential Library
Shehbaz Sharif: Our friendship, political understanding, union of thought and action with Azerbaijan at international levels have been legendary
Trial of persons charged with numerous crimes against the Azerbaijani people continues
President: The entire Karabakh region and the East Zangezur region are reviving, and we see this clearly every day