Bu barədə Azərbaycanın İqtisadiyyat nazirinin müavini Rüfət Məmmədov iyulun 11-də Batumidə işə başlayan “Şərq tərəfdaşlığı” üzrə birinci investisiya forumundakı çıxışında deyib.
Nazir müavini bildirib: “Azərbaycan Avropa İttifaqı (Aİ) ölkələrinə kifayət qədər investisiya yatırır. Bu investisyaların həcmi 20 milyard dollardan çoxdur. Biz, həmçinin “Şərq tərəfdaşlığı” ölkələrinin iqtisadiyyatlarına da sərmayə qoyuruq. Azərbaycan proqrama üzv 4 tərəfdaş ölkəyə 3,5 milyard dollardan çox investisiya yatırıb”.
Onun sözlərinə görə, Azərbaycan Aİ-nin enerji təhlkəsizliyində çox əhəmiyyətli və strateji rol oynayır. Cənub Qaz Dəhlizinin inkişafı ilə Azərbaycanın əhəmiyyətli rolu daha da artacaq. Nəqliyyat sahəsi də digər mühüm əməkdaşlıq sahəsidir. Azərbaycan Türkiyə və Gürcüstanla birgə Bakı-Tbilisi-Qars layihəsini həyata keçirir. Bu layihə beynəlxalq nəqliyyat dəhlizlərinin çox əhəmiyyətli hissəsidir.
Nazir müavini qeyd edib ki, Azərbaycanın Aİ ilə əməkdaşlığı yalnız energetika və nəqliyyat sektorları ilə məhdudlaşmır: “Bizim Avropa İttifaqı ilə insan kapitalının inkişafı, təhsil, sosial müdafiə və digər sahələrdə də çox fəal əməkdaşlığımız mövcuddur”.
Azərbaycan və Aİ arasındakı ticari-iqtisadi əlaqələrdən danışan R.Məmmədov deyib: “Avropa İttifaqı Azərbaycanın əsas ticarət tərəfdaşlarından biridir. Azərbaycanda Aİ-yə üzv ölkələrin 1600-dən çox şirkəti uğurla fəaliyyət göstərir. Azərbaycanla Avropa İttifaqına üzv ölkələrin biznes sektorları arasında əlaqələrin səviyyəsinin yüksəldilməsi məqsədilə Bakıda birgə biznes forumlar təşkil olunur. Builki foruma biznes sektoru təmsil edən 1000-dən çox iştirakçı qatılıb. Biznes forumlar Azərbaycan və Avropa ölkələri arasında ticarət və investisiyaları stimullaşdırır”.
Nazir müavini Azərbaycanda biznes mühitinin yaxşılaşdırılması istiqamətində həyata keçirilən islahatlardan da danışıb. “Azərbaycan ilə Aİ arasında əməkdaşlığın genişləndirilməsi üçün daha çox imkanlar var. İnanıram ki, bu əməkdaşlıq genişləndiriləcək və əməkdaşlıq üzrə yeni mexanizmlər həyata keçiriləcək”, – deyə R.Məmmədov vurğulayıb.(Azərtac)
Baxış sayı: 1 244
U.S. Department of State: United States supports those efforts to promote peace and stability in South Caucasus
Khojaly genocide victim: I was able to retrieve my sister's body three days later, my brother is still missing
Heads of diplomatic service bodies tour Shusha city
Shaki hosts 14th Silk Road International Music Festival
Victims of Armenian occupation of Azerbaijani territories testify in court