İşğala və Qondarma “Erməni Soyqırımı” İddialarına qarşı Beynəlxalq Qarabağ Koalisiyasının yaradılması təşəbbüsü ilə bağlı bir müddət əvvəl məlumat vermişdik. Koalisiyanın yaradılması üçün artıq hazırlıq işləri yekunlaşıb. Koalisiyaya Azərbaycan, Türkiyə və Gürcüstandan 60-a qədər Qeyri-Hökumət Təşkilatının daxil olacağı nəzərdə tutulur.
Bu gün Koalisiyaya Azərbaycandan daxil olacaq QHT rəhbərlərinin növbəti iclası keçirilib, son qərarlar verilib, o cümlədən Koalisiyanın dekabrın 29-da Beynəlxalq Mətbuat Mərkəzində keçiriləcək toplantısında təqdim olunması nəzərdə tutulan Bəyannamə, Əsasnamə, Fəaliyyət Planı və digər sənəd layihələri razılaşdırılıb. Toplantıya Türkiyədən 31, Gürcüstandan 3 nümayəndənin, Azərbaycandan 25 təşkilat rəhbərinin qatılması nəzərdə tutulur. Toplantının qonaqları Nyu Baku otelində yerləşəcəklər. Türkiyədən ilk qonaqlar, o cümlədən Bilal Dündar, Cafer Dal, Möhsün Ağçay, Arda Serdar, Zaman Turgut artıq Bakıya gəliblər.