Bu günlərdə qocaman neftçi, kimyaçı alim, Azərbaycan Respublikası Prezidentinin fərdi təqaüdçüsü Ağasiyev Riza-Qulu Abdul Qasım oğlunun 90 yaşı tamam olmuşdur. Qocaman netçini 90 illik yubileyi münasibəti ilə SOCAR-ın vitse-prezidenti David Məmmədov və şirkət rəhbəliyinin nümayəndələri evində ziyarət etmiş, SOCAR-ın prezidenti Rövnəq Abdullayevin və çoxminli neftçilər ailəsinin təbriklərini yubiliyara çatdırmışlar.

Qocaman neftçi son illərdə ölkə başçısı İlham Əliyev cənablarının rəhbərliyi altında neft, neft-kimya sənayesinin inkişafı istiqamətində görülmüş işlərdən bəhs etmiş, ona göstərilən diqqət və qayğıya görə ölkə rəhbərliyinə təşəkkürünü bildirmişdir.

R. Ağasıyev Azərbaycan Sənaye İnstitutunu bitirdikdən sonra ömrünü neft emalı və kimya sənayesi ilə bağlamışdır. Əmək fəaliyyətinə neft emalı zavodunda operator vəzifəsində başlamış, Sumqayıt Kimya Kombinatının direktoru vəzifəsinədək yüksəlmişdir.

25 il Neftayırma və neft kimyası müəssisələrinin layihəndirilməsi İnstitutunun direktoru olan R. Ağasiyev Bakıdakı neft emalı zavodlarının yenidən qurulması ilə yanaşı, Volqoqrad, Fərqanə, Türkmənbaşı, Çimkənd və s. şəhərlərdə yeni neftayırma zavodlarının layihələndirilməsi və istismarı prosesində yaxından iştirak etmişdir. R. Ağasıyevin əməyi dövlətimiz tərəfindən daim yüksək qiymətləndirilmiş, “Şöhrət”, Azərbaycanın əməkdar səmərələşdiricisi fəxri adına və Azərbaycan Respublikası Prezidentinin fərdi təqaüdünə layiq görülmüşdür.

Toğrul

Fact-info.az