“2019-cu ildə ilkin mərhələdə ümumi uzunluğu min km-dən artıq olan 43 rayon üzrə rayon və qəsəbədaxili, kənd və qəsəbələrarası avtomobil yollarını əhatə edən 50 yol infrastrukturu layihəsi icra olunacaq”. Fact-info.az azvision.az-a istinadən xəbər verir ki, bunu Avtomobil Yolları Dövlət Agentliyinin İdarə Heyətinin sədri Saleh Məmmədov qurumun 2018-ci ilin yekunlarına və 2019-cu il qarşıda duran vəzifələrin icrasına həsr olunan kollegiya iclasında çıxışı zamanı deyib. S. Məmmədov qeyd edib ki, bundan başqa respublika əhəmiyyətli və magistral yolların da tikintisi aparılacaq və maddi-texniki bazanın gücləndirilməsi məqsədi ilə 270 adda yeni maşın və mexanizmin alınması nəzərdə tutulub.