“Hər bir vətəndaş istənilən çətinlik və problemin həllində ilk növbədə Prezident İlham Əliyevə və dövlətimizə güvənir . Azərbaycan güclü dövlətdir və ölkəmizdə istənilən təxribatlar törətmək mümkün deyil .Bunu ölkəmizin düşmənidə bilir”.

Bu barədə Azərbaycan Prezidenti yanında QHT -lərə Dövlət Dəstəyi Şurasının üzvü , BMAM sədri Rufiz Qonaqov son günlər ölkəmizdə yaşanan enerji və bəzi komunal çətinliklərlə bağlı fikirlərini bildirərkən deyib. Onun sözlərinə görə, dünyanın hər bir ölkəsində enerji , komunal kimi problemlər , təbii fəlakətlər baş verə bilir. “Bundan heç bir ölkə sığortalanmayıb. Hər gün müxtəlif ölkələrdə yüzlərlə belə hallar baş verir. Bu müvəqqəti çətinlikdə artıq arxada qalacaq”. R. Qonaqov qeyd edib ki, günahkarlar sözsüz ki , cəzasını alacaq. “Bu məsələlər ölkə Prezidenti İlham Əliyevin birbaşa nəzarətindədir. Prezidentin sərəncamı ilə artıq müvafiq Dövlət Komissiyasıda yaradılıb . Ən qısa zamanda Dövlət Komissiyası bununla bağlı bütün məsələlərə aydınlıq gətirəcək .Bütün vətəndaşlarımız təmkinli olmalı , sosial şəbəkələrdə hər hansı panika yayanlara inanmamalıdır. Ölkəmiz müharibə şəraitindədir və bundan istənilən təxribatlar törətmək və dezinformasiyalar yaymaq istəyənlərə şərait yaratmaq olmaz. Azərbaycan hər zaman olduğu kimi istənilən çətinliyin öhdəsindən gələn ölkədir . Ölkəmizin gücü bizi gözü götürməyənləri və düşməni narahat edir . Lakin , düşmənin arzusu ürəyində qalacaq " – deyə o əlavə edib.