Konfransa tarixi İpək Yolunda yerləşən region və dövlətlərin rəsmiləri, həmçinin biznes sektorunun təmsilçiləri dəvət olunub və onlar tərəfindən Çindən Avropaya doğru uzanan bu yolun bərpası məqsədilə görülər tədbirlər barədə təqdimatlar verilib. Tədbirdə Azərbaycanla yanaşı, Çin, Pakistan, İndoneziya, Özbəkistan, Qazaxıstan və Türkiyəni təmsil edən nümayəndələr, həmçinin bir sıra dövlətlərin Çikaqoda yerləşən konsulluq təmsilçiləri, ABŞ-ın mərkəz-qərb regionun digər şəhərlərində fəaliyyət göstərən və biznes əlaqələrinin inkişafı ilə maraqlanan şirkət nümayəndələri iştirak ediblər. Konfransda ölkəmiz Azərbaycanın ABŞ-dakı səfirliyi tərəfindən təmsil olunub. Səfirliyin əməkdaşı Azad Aslanov tədbirdə çıxış edərək iştirakçılara ölkəmizin bu yolun bərpasına verdiyi töhfələr, həyata keçirdiyi irimiqyaslı enerji və nəqliyyat layihələri, həmçinin qeyri-neft sektorunun inkişafı üzrə aparılan ardıcıl tədbirlər və biznes əlaqələrinin inkişafı üzrə mövcud imkanlar bərədə məlumat verib. Xüsusən ötən ilin sonunda Bakı-Tbilisi-Qars dəmiryolu layihəsinin açılışı, Cənub Qaz Dəhlizinin tikintisi üzrə əldə olunan uğurlar barədə danışılıb və bu kimi layihələrin iqtisadi faydaları ilə yanaşı, regionlararası əlaqələrin və mədəniyyət ənənələrinin gücləndirilməsi baxımından əhəmiyyəti qeyd olunub. Eyni zamanda, regionda olan münaqişələrin, xüsusən Ermənistan-Azərbaycan, Dağlıq Qarabağ münaqişəsinin sabitliyə, inkişafa və rifaha yaratdığı təhdidlər göstərilib. Tədbirdə çıxışlarda Azərbaycanın təşəbbüsü ilə həyata keçirilən layihələrin əhəmiyyəti vurğulanıb, bir sıra şirkətlərin nümayəndələri ölkəmizdə biznes imkanları və turistik səfərlər ilə maraqlanıb. Tədbir Şimali İllinoys Universitetinin Biznes Kollecinin dəstəyi ilə Mərkəzi Asiya Məhsuldarlığın Araşdırılması Mərkəzi tərəfindən təşkil edilib. Həmçinin, konfransın dəstəkləyici təşkilatları qismində ABŞ-Azərbaycan Ticarət Palatası, “SME Group” şirkəti, “Tianjin İqtisadi Texnoloji İnkişaf Sahəsi”, Türkiyənin Hacıtəpə Universitetinin Biznes Kolleci, “ABŞ-Qazaxıstan Biznes Assosiasiyası” və digərləri çıxış edib.
Baxış sayı: 1 641
Latvian ambassador congratulates Azerbaijan on successful completion of COP29
President Ilham Aliyev: Azerbaijan has created favorable conditions for lasting peace in the South Caucasus
“Missing Families of Karabakh” Public Union welcomes adoption of “Missing Persons” resolution by UN General Assembl
COP29 features panel discussion on “COP to COP Agrifood Legacies: A Key to Achieving Global Climate Goals”
Foreign Ministry comments on Fifth Opinion of Advisory Committee on Implementation of Council of Europe Framework Convention for Protection of National Minorities by Azerbaijan