Azərbaycan dünya ölkələrinin enerji təhlükəsizliyinə böyük töhfə verir. AZƏRTAC xəbər verir ki, bu barədə “BBC TWO” kanalının “Qitələr üzrə böyük dəmir yolu səyahətləri” proqramının Azərbaycana həsr edilən buraxılışında deyilib. Bildirilib ki, Şərqlə Qərb arasında körpü rolunu oynayan Azərbaycan dünya ölkələrinin enerji təhlükəsizliyinə böyük töhfə verir. Bakıdan 55 kilometr cənubda yerləşən Səngəçal terminalına səfər zamanı isə buranın dünyanın ən böyük terminallarından biri olduğu qeyd edilib. Terminalın Azərbaycanın neft və qaz sənayesində böyük əhəmiyyətə malik obyektlərdən biri olduğu vurğulanıb. Həmçinin buraxılışda Bakı Dəmir Yolu Vağzalının gözəlliyindən bəhs edilib, vağzalın Bakının hava limanı qədər möhtəşəm olduğu bildirilib.