Ümumrusiya Azərbaycanlılar Konqresinin Saxalin vilayəti üzrə Regional bölməsinin rəhbəri, Qubernatorun millətlərarası məsələlər üzrə məsləhətçisi Nazir Hətəmov müharibə veteranları ilə birlikdə 2-ci Fəxri Xiyabanda döyüşlərdə şərəflə canından keçən şəhidlərin məzarını ziyarət etdi.

Ziyarət zamanı şəhidlərin məzarı önünə qərənfillər qoyulub və onların ruhuna dualar oxudu.

“Bu günümüz üçün müqəddəs Şəhidlərimizə borcluyuq!” "Bolgexeber.com"un əməkdaşı Təbriz Məhərrəm oğluna ziyarətlə bağlı açıqlama verən Nazir Hətəmov bildirib ki, şəhidlərin əziz xatirəsini uca tutmaq, daim ziyarət etmək hər birimizin mənəvi borcudur. “Torpaq uğrunda ölən varsa - Vətəndir!

Bu gün 2-ci Fəxri Xiyabanda torpaqlarımızın azadlığı uğrunda qəhrəmancasına şəhid olan, öz adlarını Azərbaycanın şanlı tarixinə böyük hərflərlə yazdıran şəhidlərimizi ziyarət etdik. Şəhidlər ölmür, onlar daim bizim qəlbimizdə yaşayır.

Azərbaycanın ərazi bütövlüyü uğrunda şəhidlik zirvəsinə yüksəlmiş igidlərimizi mütəmadi olaraq ziyarət edirik və bu həmişə belə olacaq. Allah bütün şəhidlərimizə rəhmət eləsin!" - deyərək vətənpərvər qonağımız Nazir Hətəmov açıqlamasını yekunlaşdırdı.