Çinin “Hainan Airlines” aviasiya şirkəti sərnişinlər üçün nəzərdə tutulan “High Above” jurnalında Azərbaycanın Dağlıq Qarabağ bölgəsi haqqında yanlış məlumatların əks olunduğu məqaləyə görə üzrxahlıq edib.
Şirkətin təyyarələrində və aeroportlarda sərnişinlərin dincəldiyi yerlərdə yayılmaq üçün nəzərdə tutulan jurnalda Ermənistanın işğalı altında olan Dağlıq Qarabağ bölgəsi haqqında qərəzli və yalan məlumatların əks olunduğu məqalə dərc olunub. Bu barədə fakt aşkarlandıqdan sora Azərbaycanın Pekindəki səfirliyi və “Azərbaycan Hava Yolları” QSC məsələ ilə bağlı müvafiq olaraq Çinin Xarici İşlər Nazirliyinə və “Hainan Airlines” aviasiya şirkətinə etirazını bildirib və sözügedən jurnalın nüsxələrinin yığışdırılmasını tələb ediblər.
“Hainan Airlines” şirkətinin tərkibində fəaliyyət göstərən “High Above” jurnalının rəhbərliyi Azərbaycanın Çindəki səfirliyinə məktubla cavab verərək həmin məqalədə Azərbaycanı narahat edən məqamlara görə üzrxahlığını bildirib. Məktubda qeyd olunub ki, müəllif məqaləni yazarkən lazımi araşdırma aparmayıb, buna görə də yazıda yanlış məlumatlar əks olunub. Bundan başqa, müəllifin mövqeyi heç bir halda “Hainan Airlines” şirkətinin və “High Above” jurnalının mövqeyini əks etdirmir.
Redaksiya rəhbərliyi jurnalın bütün çap və elektron nüsxələrinin yığışdırıldığını, analoji hadisələrin gələcəkdə təkrarlanmaması üçün diqqətli davranacaqlarını bildirib.(Azərtac)
Baxış sayı: 1 643
Participants of Coordination Headquarters meeting view intensive horticulture farms in Khojaly district
Azerbaijan, Uzbekistan sign documents with participation of both countries’ PMs
AIR Center Chairman: Azerbaijan's principled position towards Armenia remains unchanged
Parties begin presenting arguments in appellate proceedings on appeals filed Armenian citizens
Azerbaijan, Türkiye and Georgia FMs meet in Istanbul

