Almaniya kansleri Fridrix Merts bəyan edib ki, Rusiya prezidenti Vladimir Putin Ukrayna lideri Vladimir Zelenski ilə görüşməsə, Qərb ölkələri Rusiyaya qarşı sanksiyaları gücləndirəcək.

Fact-info.az xəbər verir ki, bu barədə kansler Berlində Kanadanın Baş naziri Mark Karni ilə birgə mətbuat konfransında deyib.

“Artıq növbə Moskvanındır. Rusiya bu addımı atmasa, o zaman təzyiqləri artırmaq lazım gələcək. Biz bunun üçün Avropa İttifaqında yeni sanksiyalar üzərində işləyirik. Amerika prezidenti də  öz növbəsində yeni cəza tədbirlərini istisna etməyib", - Merts bildirib.

Kansler, həmçinin xatırladıb ki, Tramp üçtərəfli danışıqların aparılmasını təklif edib, onunla Putin və Zelenski arasında danışıqlar var, belə olan halda bu, növbəti addım məntiqli addım olardı.