Biz tarixi qorumaqla innovasiyaların mənimsənilməsini həyata keçirmişik. Hökumətin bu istiqamətdə rolu önəmlidir. İnnovasiya sahəsində texnologiya parklarının yaradılmasında təşəbbüslərimiz var.
Bu fikirləri Azərbaycan Respublikası Prezidentinin köməkçisi, Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov “InMerge Innovation Summit”də çıxışı zamanı bildirib.
“Bizim tərəfdaşlığımız daimi iqtisadi artıma yönəlib. İnnovasiya ekosisteminin qurulması və inkişafı istiqamətində ölkəmizdə görülən tədbirlər iqtisadi əlifbamıza yeniliklər gətirib”, - deyə Prezidentin köməkçisi əlavə edib.
Şahmar Mövsümov onu da əlavə edib ki, son illər texnologiya parklarının salınması, eləcə də yerli güzəştlərin verilməsi investorların cəlb edilməsinə təkan verib: “Transformativ layihələr sayəsində işğaldan azad olunmuş ərazilərimizdə “ağıllı” kəndlər yaradılıb. Bundan başqa, milli prioritetlərimizdən biri dayanıqlı enerji mənbələrinin qurulmasıdır. Azərbaycanda rəqəmsal akademiya yaradılıb ki, gənclər özlərinin İKT sahəsində bacarıqlarını genişləndirsinlər. Hər bir xalqın rifahı üçün təhsilin önəmli olduğunu nəzərə alaraq, tələbələrimizin aparıcı təhsil ocaqlarında təhsil almasına şərait yaratmışıq”.
Süni intellektin bir çox sahələrdə mürəkkəb çağırışların öhdəsindən gəlməyə kömək etdiyini deyən İqtisadi məsələlər və innovativ inkişaf siyasəti şöbəsinin müdiri süni intellektlə bağlı müəyyən çağırışlar olduğunu, bunun da əmək bazarına təsir etdiyini əlavə edib.
Baxış sayı: 105
Religious figures from Türkiye, Georgia and Iraq visit Shusha
Azerbaijan’s mine problem raised in Prague
Azerbaijan's Foreign Ministry calls on Russia to thoroughly investigate provocative incident in front of its Embassy
French media highlights President Ilham Aliyev’s visit to Uzbekistan
Washington hosts event on “Cholpon-Ata Summit and Next Steps for Trans-Caspian Cooperation”