Bunu politoloq Mübariz Əhmədoğlu bu gün keçirdiyi mətbuat konfransında deyib. O qeyd edib ki, Konstitusiya islahatları yerində olan addımdır: "İslahatları ümumi halda götürəndə anlaşılır ki, bu niyə vacibdir. Hakimiyyət vertikalının möhkəmlənməsi vacibdir". 

M. Əhmədoğlu hesab edir ki, burada siyasi elita məsələsi də nəzərə alınmalıdır: " Liviya güclü dövlət idi. Amma Qəddafinin hakimiyyətdən getməsi ilə ölkə dağıldı. İraq Səddam Hüseynin gedişi ilə dağıldı. İndi dövlət 3 yerə bölünmək təhlükəsi ilə üz-üzədir". 

Politoloq deyib ki, Qazaxıstanla müqayisədə Azərbaycanda dini radikalizm ilə bağlı vəziyyət daha risklidir: "Qazaxıstanda tək sələfilərdir. Bizdə tək sələfilər yox, İran da var". 

Politoloq qeyd edib ki, Azərbaycanda keçiriləcək islahatlar heç bir azadlıqlara qarşı deyil, burada əslində destruktiv azadlıqların məhdudlaşdırılmasından söhbət gedir. 

M. Əhmədoğlu vurğulayıb ki, Azərbaycanda islahatların keçirilməsini vacib edən məqamlardan biri Türkiyədəki çevriliş cəhdləridir. O qeyd edib ki, Qərbin özündə güclü lider yoxdur. Qərbdə reputasiyası olan tək lider Merkeldir:" Ərdoğan isə güclü liderdir. Güclü müstəqil Türkiyə qurub. Ərdoğan Türkiyəni iqtisadi cəhətdən gücləndirərək onun Avropadan asılılığına son qoydu". Politoloq bildirib ki, Türkiyədə dövlət çevrilişinə cəhd edilib. Bundan sonra Ərdoğan çevrilişə cəhd edənləri həbs edib. indi də Avropa başlayıb ki ,insan haqlarını pozursan.